Ажабо! 39 та минани излаб топган каламуш медал билан тақдирланди

Камбожада каламуш мина ва портловчи моддаларни излашда ҳайвонот оламида кўрсатган жасорати учун медал билан тақдирланди. Кемирувчи ҳаммаси бўлиб 141 000 квадрат метр майдонни ўрганиб чиқиб, 39 та мина ва 28 та бошқа моддаларни топишга муваффақ бўлди.

Таъкидланишича, Магава исмли каламуш бундай мукофот билан тақдирланган итлардан ташқари биринчи кемирувчи ҳисобланади. «Магаванинг фидойилиги, маҳорати ва жасорати ажойиб намунадир», − дейди комиссия раҳбари Ян Маклафлин.

Унинг қўшимча қилишича, Камбожага 1975−1998 йиллар мобайнида олти миллионга яқин миналар қўйилган. Шундай вазиятда ҳайвонларнинг меҳнати маҳаллий аҳолининг ҳаётини асраб қолган.

Ўтган асрнинг охирида узоқ давом этган фуқаролар урушидан сўнг миналар Камбожада сақланиб қолган. Ҳозирда махсус гуруҳлар мамалакат ҳудудини зарарсизлантириш бўйича иш олиб бормоқда. Уларнинг таркибига одатда ҳеч қачон снарядни портлатиб юбормаган одамлар киради.