Аҳолини интернетдан маҳрум қилган эркак уч йилгача қамалиши мумкин
Якутиянинг Алдан вилоятида автоматдан оптик толали алоқа линиясининг магистрал симини отиб ташлаган эркакка қарши жиноий иш қўзғатилди. Бу ҳақда республика прокуратураси матбуот хизмати хабар берди.
Агентликнинг хабар беришича, 1 апрель куни гумонланувчи ов милтиғидан оптик толали алоқа линиясининг устки қисмига ўқ узган, бу эса унга зарар етказган ва Якутиядаги абонентларни алоқа ва интернетдан узиб қўйган.
Прокурорнинг сўзларига кўра, эркак дўстлари билан алкогол истеъмол қилганидан кейин ўқ узган. Алоқа линияси жиддий равишда бузилган ва фавқулодда вазиятлар гуруҳи тезда зарар етказилган жойга этиб борган.
Айбдорга нисбатан жиноят иши қўзғатилди. Энди эркак катта жарима тўлаши, ахлоқ тузатиш ишлари, шунингдек уч йилгача қамоқ жазосига ҳукм қилиниши мумкин.
