Афғонистон Ислом Амирлиги матбуот котиби Забиҳуллоҳ Мужоҳид Мирзиёевга мактуб йўллади

Афғонистон Ислом Амирлиги матбуот котиби Забиҳуллоҳ Мужоҳид Мирзиёевга мактуб йўллади

Ўзбекистон Республикаси Ташқи ишлар вазирлигига Ўзбекистон Республикаси Мустақиллиги куни муносабати билан Афғонистон Ислом Амирлиги матбуот котиби Забиҳуллоҳ Мужоҳид номидан табрикнома келди.
Табрикда шундай дейилади:

«Биз қўшни дўст Ўзбекистон Ҳукумати ва халқини Мустақилликнинг 30 йиллиги билан табриклаймиз ва бизнинг энг самимий тилакларимизни билдирамиз.

Биз Қодир Оллоҳдан Ўзбекистон халқи ва ҳукуматининг юксак қадр-қиммати ва ғурурини асрашини тилаб қоламиз.

Ўзбекистон ва Афғонистон халқларини нафақат яхши қўшничилик муносабатлари, балки умумий диний, маданий ва маънавий қадриятлар бирлаштиради ва бу муштараклик мамлакатларимиз халқларини янада бир-бирига яқинлаштиради.

Биз Ўзбекистон билан тинчлик ва барқарорликда, дўстлик ҳамда яхши қўшничилик руҳида доимий ҳамкорликни амалга оширишга умид боғлаб қоламиз”.

Забиҳуллоҳ Мужоҳид,
Афғонистон Ислом Амирлиги
Матбуот котиби
01.09.2021


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!