Аёл уч йилдан буён тириклигини исботлашга уриняпти

58 ёшли франциялик аёл Жанна Пушин уч йилдан бери ўлмаганлигини исботлашга уриниб келмоқда, деб ёзди “The Guardian”.

“Лион яқинидаги Сен-Жозеф фуқароси 2017 йилдан буён Франция маъмурияти учун йўқ инсон”, дейилади газета хабарида.

Таъкидланишича, бунга аёл ишлаган тозалаш компаниясининг собиқ ходимининг баёноти сабаб бўлган. Даъвогар ҳеч қандай далил келтирмасдан аёлнинг ўлганлигини айтган, суд эса унга мавжуд маълумотни текширмасдан туриб ишонган.

2004 йилда суд Пушинни фирма катта шартномани йўқотганидан кейин собиқ ходимга етказилган зарарни тўлашни буюрган. Бироқ собиқ ишчига етказилган зарарни ҳеч ким тўлаб бермаган. Суд жараёни кейинги 13 йил давом этган. Кейин норози даъвогар собиқ хўжайинга ёзган хатлари жавобсиз қолганини ва Пушин вафот этганини айтган. 2016 йилда аёл ўлган деб топилган ва апелляция суди унинг ўғли ва эрини зарарни тўлашга мажбур қилган.

Аёлнинг ўлими тўғрисида эълон қилинганидан кейин у ҳақидаги маълумотлар расмий ҳужжатлардан ўчирилган. Бунинг натижасида унинг мавжудлигини тасдиқлаш учун зарур бўлган шахсий гувоҳномаси, ҳайдовчилик гувоҳномаси, банкдаги ҳисоб рақами, тиббий суғурта каби бошқа расмий ҳужжатлари яроқсиз ҳолга келган.

Ҳозирда иш давом этмоқда.