2024 йилда Парижда бўлиб ўтадиган Олимпия ўйинларининг очилиш маросими муваффақиятсизлик ёқасидами?
Тадбир ташкилотчилари Франция Ижрочилар уюшмасидан иш ташлаш эълонини олдилар.
Томонлар иштирокчиларнинг маоши борасида тортишиб қолган. 26 июль куни Сена дарёсида бўлиб ўтиши режалаштирилган ўйинларнинг кенг кўламли очилиш маросимида уч минг санъаткор ва 400 нафар раққоса иштирок этиши кутилмоқда.
«Ҳозирда маросимлар учун либослар машқлари олиб борилмоқда ва биз 2024 йил 26 июль куни шоу, шунингдек, Паралимпия очилиш маросимлари учун навбатдаги репетициялар учун иш ташлаш эълон қилинишини афсус билан эълон қиламиз. Бугун Париж кўчаларида «Биргаликда биз кўпроқ нарсага эришамиз» шиори ҳамма жойда бўлсада, бизнинг иш шароитларимиз муҳокама қилинмаганини таъкидлаймиз. Шунингдек, биз маросимларга тайёргарлик жараёнида шубҳали амалиётлар, муомаладаги қўпол тенгсизликлар ва ижтимоий мулоқотнинг йўқлигига эътибор қаратдик».
- дейилади уюшма баёнотида.
Жавоб сифатида танлов ташкилий қўмитаси раққосаларнинг маоши жамоа шартномасида белгиланган минимал даражадан ошиб кетишини маълум қилди. Улар жамоат ташкилоти билан жамоавий муҳокамаларни давом эттириш ниятида эканликларини қўшимча қилишди.
Париж Олимпиадаси 26 июлдан 11 августгача бўлиб ўтади.
