2023 йилда прокуратура органларига 463 626 та мурожаат келиб тушган

2023 йилда прокуратура органларига 463 626 та мурожаат келиб тушган бўлиб, шундан 264 504 таси бевосита прокуратура органларида ҳал этилган.

Мазкур мурожаатларнинг 60 534 таси қаноатлантирилган, 4 212 таси рад қилинган, 199 758 та мурожаатларга ҳуқуқий тушунтириш берилган, 164 087 та мурожаатлар тааллуқлилиги бўйича бошқа муассасаларга юборилган.

Мурожаатларнинг муддатида, тўлиқ ва холисона кўриб чиқилишини ҳамда қонунбузилишига йўл қўйган айбдор шахсларнинг муқаррар жавобгарлигини таъминлашга қаратилган назорат тадбирларини тизимли равишда амалга оширишга алоҳида эътибор қаратилди.

Хусусан, мурожаатларни кўриб чиқиш мобайнида аниқланган қонунбузилиши ҳолатлари бўйича ноқонуний ҳужжатларга 674 та протест келтирилди, қонунбузилишларини бартараф этиш ҳақида 210 та тақдимнома, 26,4 млрд. сўм зарарни ундириш ҳақида судларга 508 та ариза киритилди, 712 нафар шахс интизомий, маъмурий ва моддий жавобгарликка тортилди, қўпол қонунбузилиши ҳолатлари бўйича 385 та жиноят иши қўзғатилди.

Кўрилган чоралар натижасида 52 408 нафар шахсларнинг бузилган ҳуқуқлари прокурорлар томонидан тикланган.

Жисмоний шахслар ҳамда юридик шахсларнинг вакиллари томонидан Ўзбекистон Республикаси Президенти Веб-сайти, Ишонч телефони, Виртуал ва Халқ қабулхоналари орқали йўлланган мурожаатларни кўриб чиқилишига алоҳида эътибор қаратилди.

Жумладан, Президент Виртуал ва Халқ қабулхоналари орқали прокуратура органларига келиб тушган жами 159 130 та мурожаатлардан 143 004 таси кўриб чиқилиб, шундан 74 951 таси қаноатлантирилган, 66 636 таси бўйича тушунтиришлар берилган, 1 417 таси рад қилинган, 340 таси кўрмасдан қолдирилган ва 4 799 таси тугатилган.

Мурожаатларни телефон орқали қабул қилиш марказига (1007 рақамли ишонч телефони) ушбу даврда келиб тушган мурожаатлар сони 104 354 тани ташкил этиб, (бир кунда ўртача 700-800 та мурожаат келиб тушади), мурожаатларнинг 19 637 таси ҳал этилган бўлиб, шундан 2 133 таси қаноатлантирилган, 17 312 таси бўйича тушунтириш берилган, 192 таси рад қилинган, 99 та мурожаатлар кўрмасдан қолдирилган.

Тадбиркорлар виртуал офисидан келиб тушган мурожаатлар 1 850 тани ташкил этиб, мурожаатлардан 1 405 таси ҳал қилинган, 151 таси қаноатлантирилган, 1 239 таси бўйича ҳуқуқий тушунтириш берилган ва 15 таси рад этилган.

Бундан ташқари, жисмоний ва юридик шахсларнинг қабулига, шу жумладан, уларни бевосита прокурорлар томонидан жойларда қабул қилинишига жиддий эътибор қаратилиб, 360 300 нафар шахсларнинг қабули таъминланди.

Бош прокуратура раҳбарияти томонидан жами 869 нафар жисмоний ва юридик шахсларнинг вакиллари қабул қилиниб, мурожаатларнинг қонуний ҳал қилиниши таъминланган.