Зеленский: Украина босиб олинган ҳудудларни назоратда ушлаб туради, чунки бу ерлар урушдаги «ғалаба режаси»нинг ажралмас қисмидир
Украина президенти NBC News телеканалига берган интервьюсида Киев август ойида кутилмаган босқин натижасида босиб олинган Россия ҳудудларини президент Путин музокаралар столига ўтирмагунча назорат остида ушлаб туриш ниятида эканини айтди.
"Бизга уларнинг ерлари керак эмас. Биз у ерга ўз украин ҳаёт тарзимизни ўтказмоқчи эмасмиз. Аммо Украина босиб олинган ҳудудларни назоратда ушлаб туради, чунки бу ерлар урушдаги «ғалаба режаси»нинг ажралмас қисмидир", — деди Зеленский ва бу таклифни халқаро ҳамкорларга, жумладан АҚШга тақдим этишини қўшимча қилди.
Зеленский Украина Россия ҳудудида янги операцияларни режалаштиряптими ёки йўқлигини муҳокама қила олмаслигини айтди. Унинг сўзларига кўра, Байден маъмурияти ҳатто Украинанинг ўзида ҳам қатъий сир тутилган Курск вилоятидаги операция ҳақида олдиндан билмаган.
"Биз бу операция ҳақда ҳеч кимга хабар бермадик. Бу ишончсизлик сабабли эмас. Бизнинг ўтган йилнинг ёзидаги қарши ҳужумимиз, асосан, бу ҳақда кўп реклама қилингани ва муҳокама қилингани учун муваффақиятсизликка учради. Чунки бу Россияга Украинанинг қарши ҳужум мига тайёргарлик кўришга вақт берди", — дея қўшимча қилди Украина етакчиси.
