Зеленский Ғарбдан Россияга узоқ масофали ракеталарни учиришга рухсат сўради

Украинанинг Ғарбдаги асосий иттифоқчилари Россия ҳудудига узоқ масофали ракета ҳужумларини амалга ошириш Кремлни музокаралар ва пировардида тинчлик йўлини излашга мажбурлаш учун энг яхши имконият эканлигини тушунишлари керак. Украина президенти Владимир Зеленский ўзининг Телеграм-каналида бунга чақирди.

«Мен АҚШ, Буюк Британия, Франция ва Германияга мурожаат қиламан: Украина ва украиналикларни ҳақиқатан ва тўлиқ ҳимоя қилиш учун бизга рухсат керак. Бизга узоқ масофага [Россия Федерациясига ҳужумлар] учун ҳам рухсатномалар керак», — таъкидлади давлат раҳбари.

Президент Украина ва Ғарб давлатлари ўртасида Украина армиясига ҳаво ҳужумидан мудофаа тизимларини етказиб бериш бўйича келишувлар аллақачон мавжудлигини, шунинг учун ҳозирданоқ Россияга чуқур зарба беришни бошлаш зарурлигини таъкидлади. «Биз Украина можароси натижасига таъсир қилиши мумкин бўлган ҳаётий қарорларни кечиктира олмаймиз», деб тушунтирди у.

«Ҳаммага раҳмат айтмоқчиман», — дея қўшимча қилди Зеленский сўнггида.