Яна бир давлатда кунлик рекорд: Словакияда коронавирус билан касалланиш ўсди
23 сентябрь куни Словакияда COVID-19 билан касалланиш бўйича кунлик рекорд қайд этилгани хабар қилинди. Соғлиқни сақлаш вазирлиги маълумотларига кўра, мамлакатда ўтган сутка давомида 338 нафар одамнинг коронавирусга чалингани аниқланган.
Словакия Европа қитъасида коронавирусдан энг кам ўлим ҳоллари қайд этилаётган мамлакатлардан бири ҳисобланади. Лекин Европанинг бошқа мамлакатлари сингари Словакияда ҳам бу ойда янги касалланиш ҳоллари кескин тарзда ошмоқда.
23 сентябрь ҳолатига кўра, Словакияда 7269 киши коронавирус билан касалланди ва 41 киши вафот этди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
