Хорижлик туристлар кузда Ўзбекистонда дам олишга катта қизиқиш билдирмоқда
Россия AТОР туроператорлари ассоциацияси кузда россияликларнинг Ўзбекистонга саёҳат қилишга қизиқиши ортгани ҳақида маълум қилди, деб ёзади “Лента.ру”.
Россияликлар Ўзбекистон, Озарбайжон ва Aрманистонга саёҳат қилишга кўпроқ қизиқишяпти, дейилади манбада.
Coral Travel туроператорининг маълумотларига кўра, 2022 йилда ушбу мамлакатларга турпакетларга бўлган талабнинг ўсиши "пандемиядан олдинги" 2019 йилга нисбатан қарийб 80 фоизни ташкил этди. Aйни пайтда Ўзбекистонга кузги саёҳатларни брон қилишда энг катта фаоллик кузатилмоқда.
“Ўзбекистон куз, эрта қиш ва баҳорда саёҳат қилиш учун энг қулай ҳудуд. Бу мамлакатнинг маданияти, унинг гўзаллиги ва миллий таомларидан жазирама иссиқсиз баҳраманд бўлишингиз мумкин”, — дея тушунтиради компания.
Матнда хатолик топсангиз, ўша хатони белгилаб, бизга жўнатинг (Ctrl + Enter).
