Хорижий компаниялар Россияни тарк этишга шошилмаяпти

Бундай хулосага Швейцария иқтисодчилари келди.

Санкт-Галлен университети томонидан чоп этилган ҳисоботга кўра, Европа Иттифоқи ва G7 мамлакатлари фирмаларининг атиги 9% дан камроғи РФ бозорини тарк этган.

Махсус операция олдидан Россияда 2405 та хорижий компания ва уларнинг 1404 та шўба корхоналари бизнес юритган.

Ноябрь ойининг охирига келиб, тадқиқот муаллифларининг маълумотларига кўра, Россия Федерациясидан АҚШ шўъба корхоналарининг 18% дан камроғи, Япония компанияларининг 15% ва Европа Иттифоқи фирмаларининг атиги 8,3% и чиқиб кетган.

“Тадқиқот натижалари оммавий ахборот воситаларида тез-тез эшитиладиган Ғарб компаниялари Россия бозорини оммавий равишда тарк этаётгани ҳақидаги гапларни рад этади”, — дейилади хабарда.