Ўзбекистон ҳудудий аэропортларида парвозлар хавфсизлиги ҳолати ўрганилди
Ўзбекистон Республикаси Вазирлар Маҳкамасининг топшириғини бажариш ҳамда Фуқаро авиацияси обектларидаги ҳақиқий вазиятни ўрганиш мақсадида “Ўзавиация” агентлиги директорининг ўринбосари, Нукус халқаро аэропортида парвозлар хавфсизлиги ҳолатини жойига чиқиб ўрганди.
Аэропортнинг парвозлар хавфсизлигини таъминлайдиган обектларига ташриф буюриш давомида аеродром, метеорология, аэронавигация, радиотехника ва ёруғлик сигналларини таъминлаш, ҳаво ҳаракатини бошқариш, қидириш ва қутқариш, шунингдек авиация хавфсизлиги бўйича ишларнинг ҳолати ўрганилди.
Шунингдек, аеропорт ходимлари билан учрашув бўлиб ўтди, унда ходимларининг муаммоли ва шахсий масалалари ҳамда Ўзбекистон Республикаси Президентининг 2023-йил 11-сентябрдаги
ПФ-158-сон фармонини амалга ошириш бўйича фуқаро авиациясига оид “Ўзбекистон-2030” стратегияси масалалари муҳокама қилинди.
Ўрганиш якунлари бўйича аеропортнинг бошқарув таркиби иштирокида брифинг ўтказилди, унда аниқланган камчиликлар ва муаммоли масалалар муҳокама қилинди ва уларни бартараф этиш бўйича тавсиялар берилди.
