Украина "адолатни тиклашни билишини исботлади", — Украина раҳбари
Украина президенти Владимир Зеленский илк бор Украинанинг Россиянинг Курск шаҳридаги ҳужумига изоҳ бериб, Украина армияси жанговар ҳаракатларни Россия ҳудудига ўтказаётганини ва шу орқали «адолатни қайтараётганини» айтди.
«Ушбу жараённи таъминлаган мудофаа кучларимиз бўлинмаларининг ҳар бирига раҳмат. Украина адолатни тиклашни билишини исботлади», — деди Украина раҳбари.
Зеленский Украинанинг Курскдаги ҳужуми Москвага зарурий «босим» эканлигини, бу эса «адолатли дунё»ни яқинлаштириши кераклигини таъкидлади.
Украина томони ҳозирча Россиянинг Курск вилоятидаги вазиятга расман изоҳ бермади. Чоршанба куни Россия президенти Владимир Путин Украина армиясининг Россия ҳудудига чуқур кириб боришини Украина учун «яна бир кенг кўламли провокация» деб атади.
Аввалроқ Урушни ўрганиш институти Украина қўшинлари Россия ҳудудига 10 километр чуқурликка ўтганини тасдиқлаган эди.
Украина раҳбари, шунингдек, «Украинанинг маънавий мустақиллигини мустаҳкамлаш» қарорини эълон қилди. «Биз Москвани украиналикларнинг эркинлигини чеклаш бўйича сўнгги имкониятларидан маҳрум қилишимиз керак», деди Зеленский, эҳтимол Украинада «Россия томонидан бошқариладиган черковлар»ни тақиқлаш тўғрисидаги қонун лойиҳасига ишора қилиб.
