Туркиядаги энг чиройли 5 та саёҳат маскани: ўрмонлар, денгизлар ва қадимий шаҳарларнинг турфа манзаралари

Айтишларича, қаерга боришингиздан қатъи назар, Туркия саёҳатингизнинг энг яхши қисми бўлиб ажралиб туради. Туркия доим энг яхшисини таклиф қилади.

Ўрта Ер денгизи, Эгей ва Қора денгиз билан ўралган бу улуғвор ва жаннатмакон ҳудуд ажойиб манзаралари ва ям-яшил ландшафтлари, тарихий хазиналари ва миллий таомлари билан ажралиб туради.

Саёҳатни машина ёки автобусда, дўстларингиз ёки оила аъзолари билан қиласизми, бу беш ажойиб саёҳат йўналишлари таътилингизни мароқли ўтказишингизга ёрдам беради.

Чанаккале — Айвалик

Шимолий Эгей денгизининг панорамик манзаралари билан Чанаккале-Айвалик йўналиши минтақанинг улкан ва такрорланмас маданий мероси, ажойиб табиати ва тоза пляжлари билан ажралиб туради.

Ёрқин кўк ва яшил рангдаги гўзал ландшафтлар, тариҳдан сўзлаб берувчи қадимий шаҳарлар ва такрорланмас таъмга эга маҳаллий маҳсулотлари минтақани велосипед, мотоцикл, автомобил ёки карвонларда саёҳат қилувчиларнинг эътиборини жалб қилишнинг бир нечта сабабларидан биридир.

Саёҳатнинг бошланғич нуқтаси бўлган Чаноққалъа, қадимий асотирлари ва гўзал табиати билан мафтун қилади. Шаҳарга қуюқ ўрмон билан қопланган Гелиполи ярим ороли орқали кирасиз.

Саёҳатчилар қадимги Юнон ёзувчиси Гомернинг «Илиада» ва «Одиссея» достонлари излари сақланиб қолган қадимий Чаноққалъада минтақанинг минг йиллик тарихига гувоҳ бўласиз.

Троянинг қадимий шаҳар харобалари ташқарисида “2020 йил Европа музейи” махсус мукофоти ва “2020/2021 Европа музей академияси махсус мукофоти” лауреати бўлган машҳур Троя музейи жойлашган.

Қадимги Троя шаҳри ҳам Туркиядан бошланадиган Европа Кенгаши томонидан рўйхатга олинган биринчи ва ягона маданий йўналиш бўлган Аэнеас йўлининг биринчи бекатидир.

Афсонавий Аэнеас - Рим асосчиси Рем ва Ромулнинг аждоди отаси ва ўғли билан ёнаётган Троя шаҳридан қочиб, Греция, Албания ва Тунисни кесиб ўтиб, ниҳоят ўзи қурган кемаларда Италияга етиб келгани айтилади. Ҳудуд табиий ва археологик ҳудудлар ва маҳаллий ландшафтларни ўз ичига олади. Уларнинг баъзилари ЮНEСКОнинг Жаҳон мероси рўйхатига киритилган.

Чаноққалъанинг жанубий қисмидаги Айважик туманида жойлашган Ассос қадимий шаҳар харобалари ҳам ҳалигача сақланиб қолган тарихий обидалари билан сайёҳларни ўзига жалб қилади.

Ассосдаги кўрфаз ва пляжлар бўйлаб сайр қилганингиздан сўнг, ўзининг ажойиб тош уйлари билан ажралиб турувчи ҳудуднинг катта ва кичик қишлоқларига ташриф буюринг.

Кейин эса, дам олишнинг янгича усули бўлган «глампинг» учун албатта Ассос кўрфазидаги Сиврижеда тўхтанг.

Зайтун дарахтлари билан ўралган Гомер достонларининг тимсоли Ида тоғи табиат қўйнида ёлғиз оқшом ўтказиш учун ажойиб жой.

Айвалик йўлидаги охирги бекат эса, Эдремит туманидаги ажойиб денгиз бўйидаги Альтинолук шаҳарчаси ҳисобланади.

Ида тоғи миллий боғи, Сутувен шаршараси, Ҳасанбўғду кўли ва Шаҳиндереси канёни каби кўплаб табиий мўъжизаларни ўзида мужассам қилган бу унумдор ерларда машҳур курорт марказлари жойлашган.

Эдремит яқинидаги Гуре шаҳарчаси ҳар йили дунёнинг турли мамлакатларидан кўплаб сайёҳларни ўзига жалб қилади.

Айвалик — Чешме йўналиши

Айваликдан кейин Мадра тоғлари этаклари ва Бергама йўлини кузатиб, қадимги Пергамон шаҳрини кашф қилишингиз мумкин. Эгейнинг юраги ҳисобланган Измирда сизнинг кейинги манзилингиз тарихий Фоча шаҳри бўлади.

Эски Фоча деб номланган тарихий ҳудудга эга Фоча шаҳарчаси гўзал бурилишли йўллар ва ҳайратланарли манзараларга эга.

Гомер достонларида ҳам тилга олинган Фоча ҳудуди аввалдан балиқ овлаш портлари ва мазали денгиз маҳсулотлари билан машҳур бўлган.

Саёҳат учун яна бир ажойиб манзил – Урла, Измир вилоятида жойлашган бўлиб, шаҳарча шарқда Гузелбаҳче ва Сефериҳисар, ғарбда Чешме, шимоли-ғарбда Карабурун ва Эгей денгизи, шимолда Измир кўрфази ва жанубда Эгей денгизи билан ўралган.

Урла ўзининг гўзал табиати билан бир қаторда маъзали таомлар тайёрланадиган ресторанлари билан ҳам машҳурдир.

Мазкур йўналиш шунингдек "секин шаҳар" Сефериҳисар, денгиз-қум-қуёш туризми маркази Кушадаси, ажойиб маҳаллий винолар тайёрланадиган Ширинже каби шаҳарларни ҳам ўз ичига олади. Ва, албатта, Милетос, Приене ва Эфеснинг қадимий шаҳарлари ва Илоҳий Марям черковлари туристлар диққатни тортади. Ушбу йўналишдаги сўнгги бекат - Измир яқинидаги машҳур денгиз бўйидаги дам олиш маскани Чешме ва сурфинг мактаблари ва тош уйлари билан машҳур гўзал Алачати курорти ҳисобланади.

Калькан — Анталия

Ўрта Ер денгизи бўйидаги яна бир қизиқарли саёҳат манзилларидан бири Калькан-Анталия йўналиши ҳисобланади.

Бу ер ўзининг тиниқ сувлари, гўзал кўрфазлари ва ям-яшил тоғлари билан ажойиб манзарани яратади. Ноёб ландшафтлар ва қадимий цивилизациялар изларидан иборат бу ҳудуд унутилмас саёҳатингиз учун хизмат қилади.

Патара, Калькан ва Каш, Олимпос, Чирали ва Анталиянинг инсонни лол қолдирувчи гўзаллигини кўз билан кўрмасдан туриб, саёҳат тўлиқ бўлиши мумкинми?

Қадимий шаҳри ва 12 километр узунликдаги пляжига эга бўлган Патара, шубҳасиз, минтақанинг энг ажойиб жойларидан биридир. Қадимги Ликиянинг энг муҳим шаҳарлари қаторида саналган Патара антик театр, парламент биноси, денгиз чироғи, шаҳар арчаси, устунли кўча, ибодатхоналар ва черковлар каби иншоотлари билан ўзининг қадимий улуғворлигини сақлаб қолган.

Патара шунингдек, Санта Клаус номи билан ҳам танилган Азиз Николайнинг туғилган жойидир.

Николай кўп йиллар епископ бўлиб хизмат қилган ва авлиёликка эришган Демре шаҳарчаси, бу машҳур йўналишдаги яна бир тарихий саёҳат манзилларидан бири ҳисобланади. Демреда Азиз Николайнинг қабри, шунингдек Ўрта асрларда машҳур бўлган тарихий черков ҳам бор.

Агар сиз Ўрта Ер денгизининг дурдонаси бўлган Анталияга саёҳат қилсангиз, унда сизни Ўрта Ер денгизи қирғоғидаги Каш шаҳрининг янада ажойиб манзаралари кутмоқда.

Бу ерда сиз, Каш-Калькан йўлидаги кичкина канён оғзи пляжи бўлган Капуташ ва Чирали қирғоқ қишлоқларининг ажойиб манзараларидан баҳраманд бўлишингиз мумкин.

Туркиянинг ва дунёнинг энг нуфузли шўнғиш туризм марказларидан бири бўлган Кашда, мовий чуқурликларни кашф қилишингиз ёки Кековада қайиқ сафарларида сув остидаги қадимий Ўрта Ер денгизи цивилизациялари изларини кўришингиз мумкин.

Кашнинг тиниқ сувлари билан хайрлашиб, яна йўлга чиққанингизда, кейинги бекатингиз Чирали бўлади. Каретта денгиз тошбақалари учун яшаш жойи, тинч ва осойишта Чирали, шунингдек, Ликиянинг муҳим порти бўлган Олимпос антик шаҳри харобалари яқинида жойлашган.

Саёҳатнинг охирги бекати бўлган Анталияда бир неча кун бўлишингиз керак. Денгиз-қум-қуёшдан иборат табиат ва кўҳна тарихнинг мукаммал уйғунлигини ўзида мужассам қилган бу шаҳар албатта кўришингиз керак бўлган жойлардан биридир.

Ўрта Ер денгизи цивилизацияларининг ноёб асарлари ажойиб тарзда намойиш этилган Анталия археология музейи эса, бу ерга ташриф буюришингиз учун яна бир сабаб ҳисобланади.

Эскишеҳир — Испарта

Бу маршрут ўзининг жўшқин шаҳар ҳаёти билан кундан-кунга ёрқинроқ порлаётган Эскишаҳардан Анадўлининг табиий ва замонавий гўзалликларини тақдим этувчи атиргуллар шаҳри Испартагача чўзилган.

Йўналишнинг бошланғич нуқтаси бўлган Эскишаҳарда, ЮНEСКОнинг Жаҳон мероси объектлари тахминий рўйхатига киритилган Одунпазари тарихий шаҳар маркази ва минтақанинг анъанавий ҳунармандчилиги намуналарини кўришингиз мумкин бўлган Атлиҳан ҳунармандчилик бозорига ташриф буюринг.

Бундан ташқари, бу шаҳарда ёжлашган Сепиолит (Меэрсчаум) музейи дунёдаги сепиолите тошларидан ясалган ашёлар намойиш қилинадиҳан ягона музей ҳисобланади.

Эскишаҳардан чиқиб, Испарта томон йўл олгач, бетакрор табиат манзараларига дуч келасиз. Испартанинг “секин шаҳар” мақомини олган шаҳарлари Ялвач ва Эғирдир; Ковада кўли миллий боғи, юзлаб қуш турларининг яшаш жойи; Туркиянинг ноёб кратер кўлларидан бирини ўз ичига олган Гўлжук Табиат Парки; Эғирдир кўли, қуёш ботишининг ҳайратланарли манзаралари ва лаванта боғлари билан кўзни қамаштирувчи Куюжак қишлоғи шулар жумласидан.

Бу маршрутда, шунингдек, насронийлик тарихидаги биринчи миссионер Авлиё Пол ўзининг ўзининг миссионерлик саёҳатлари чоғида босиб ўтган йўлларни ҳам ўз ичига олади. Авлиё Полнинг йўли, Ликия йўли билан бир қаторда Анадўлидаги энг машҳур саёҳат йўлларидан биридир.

Болу — Чамлиҳемшин

Бу маршрут Ризенинг баланд тоғ жаннати Чамлиҳемшин томон ўзининг ажойиб кўллари билан машҳур бўлган Бўлудан бошланади ва Қора денгизнинг гўзал қирғоқ чизиғи улуғвор ландшафтларни - ажойиб яшил ўрмонларни ва жозибали сувларни ўз ичига олади.

Агар истасангиз саёҳатингизни Болунинг гўзалликда тенги йўқ Едигўллер миллий боғидан бошланг ва сўнгра дафна деразалари бўлган ёғоч уйлар билан қопланган тор кўчалардан иборат Сафранболу томон йўл олинг.

Ям-яшил Кастамону ва ўзининг табиий гўзаллиги билан ҳайратга соладиган тарихий порт шаҳарлари Синоп ва Самсун бу гўзал маршрутнинг бошқа бекатлари ҳисобланади.

Ушбу машҳур маршрутнинг кейинги бекати Қора денгизнинг жўшқин ва салқин сувлари ва ям-яшил ўрмонларини ўзида мужассам қилган Орду шаҳри ҳисобланади.

Першембе ва Чамбаши платолари, Чисели ва Узундере шаршаралари ва Гейилмез канёни, замонавий ҳаёт соддалик билан гўзал уйғунлашган Ешилже қишлоғи Ордунинг диққатга сазовор жойлари ҳисобланади.

Бу маршрутда сизни, шунингдек, Трабзондаги Сумела монастири кутмоқда. Тик қоя бағрида жойлашган ушбу православ монастири ЮНEСКОнинг Жаҳон мероси объектларига номзодлар рўйхатига киритилган.

Бу маршрутдаги охирги тўхташ манзилингиз Чамлиҳемшинда эса сизни эртаклардаги каби гўзал табиат манзараларини ўзида мужассам қилган Айдер, Покут, Гито ва Сал платолари кутмоқда.

Бундан ташқари, кўплаб шифобахш гиёҳлар ва органик маҳсулотлар билан бойитилган Қора денгиз минтақаси ошхонаси эса саёҳатингизни янада ажойиб қилади.