Туркияда Россия дрони топилди
Туркия оммавий ахборот воситаларининг ёзишича, мамлакатнинг шимоли-шарқида топилган Россиянинг "Орлан-10" учувчисиз бошқариладиган қурилмаси экспертиза учун Анқарага жўнатилган.
"Кюртюн туманидаги Тилкичек қишлоғи билан Казикбели текисликларида қўзиқорин қидиришга чиққан маҳаллий фуқаролар учувчисиз бошқариладиган қурилма қулаб тушиб, ерда ётганини кўрган. Ҳарбийлар етиб келгандан кейин улар қурилма 3 метрлик қанотга эга, жосуслик мақсадида ишлатиладиган Россиянинг
"Орлан-10" дрони намунаси эканини аниқлашди", - деб ёзмоқда Cumhuriyet нашри.
Нашрнинг ёзишича дрон "Украина ёки Суриядан сигнални йўқотгандан кейин ўзи мустақил равишда бу ерларга учиб келган ва ерга қулаган".
"Айни дамда хавфсизлик кучлари қурилмани экспертизадан ўтказиш учун Анқарага жўнатган", - дейилади газета берган материалда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
