Туркияда Босфор бўғозидаги қурилишлар текширилмоқда
Туркия ҳукумати Истанбулдаги Босфор соҳилидаги қаср ўрнида қурилишни тақиқлади.
Бу ҳақда Hurriyet нашри хабар бермоқда.
Унинг кимга тегишли экани расман маълум қилинмаган; маҳаллий ОАВ бинони россиялик тадбиркор Роман Абрамович сотиб олган бўлиши мумкинлиги ҳақида даъво қилмоқда.
Истанбулнинг Осиё томонидаги Ускюдар туманидаги, илгари 8 минг 658 йиллик қамоқ жазосига ҳукм қилинган телевангелист Аднан Октарга тегишли бўлган сарой сўнгги кунларда газета саҳифаларида ва телевидение экранларида пайдо бўлди. Хабар қилинишича, у жойлашган жойда дарахтлар кесилиб, ноқонуний қурилиш бошланган.
Газетанинг таъкидлашича, қасрни россиялик тадбиркор Борис Борисенко Абрамович номига 26 миллион долларга сотиб олган. 2023 йилда Абрамовичнинг вакили аллақачон бу маълумотни рад этган.
Истанбул мэрияси бинони реконструкция қилишга эмас, фақат таъмирлашга рухсат берганини маълум қилди. Аниқланган қонунбузарликлар туфайли 16 август куни ҳудуд муҳрланган, дея таъкидлади ҳокимият. Туркия Экология ва шаҳарсозлик вазири Мурат Курум қурилиш ишлари 22 август куни тўхтатилганини маълум қилди, республика Адлия вазирлиги раҳбари Йилмаз Тунч маҳаллий Жиноят кодексининг 184-моддасига асосан прокуратура жиноий иш қўзғатди.
