Туркия ғазоликларни даволашни ўз зиммасига олмоқда
Ғазо секторидан 61 нафар бемор ва уларнинг 49 нафар ҳамроҳи бўлган самолёт Мисрдан Туркияга етиб келди. Бу ҳақда “Анадолу” хабар берди.
Маълум қилинишича, уларни Анқара аеропортида Туркия соғлиқни сақлаш вазири Фаҳреттин Кожа кутиб олган.
Аксарияти саратон касаллигига чалинган беморлар Туркияга ҳарбий транспорт самолётлари орқали мамлакат Миллий Мудофаа вазирлигига етказилган.
Фаҳреттин Кожага кўра аввалроқ 27 нафар бемор ва 13 нафар ҳамроҳликдан иборат ғазоликларнинг биринчи гуруҳи даволаниш учун Туркияга келган.
"Мен Исроил соғлиқни сақлаш вазирига Туркия Ғазолик беморларни даволаш мақсадида мамлакатга олиб келиш учун фаол ҳаракат қилаётганини айтдим. Бу биринчи навбатда чақалоқлар ва болаларга тегишли. Мен, шунингдек, бир-икки кун ичида янги эвакуацияни режалаштираётганимизни маълум қилдим", деди вазир.
Шунингдек, Кожанинг айтишича, Туркия Ғазонинг хавфсиз ҳудудида дала касалхонаси яратиш имкониятини кўриб чиқмоқда.
