Туркия Босфор ва Дарданел бўғозларини очиш масаласини кўриб чиқмоқда

Туркия АҚШ ҳарбий-денгиз кучларининг MQ-9 Reaper учувчисиз самолёти қулаган жойга ўтиши учун Босфор ва Дарданел бўғозларини очиш масаласини кўриб чиқмоқда.

Бу ҳақда Миллий мудофаа вазири Ҳулусий Акар Anadolu агентлигига маълум қилди.

«Биз масалани диққат билан кузатиб борамиз. Турли алоқалар мавжуд, жумладан Туркиянинг ўзида тузилмалар ўртасида. Биз АҚШдан ҳамкорлар билан оқилона ва мантиқий ечим топишга интиламиз».

Унинг қайд этишича, Анқара вазиятни тинч йўл билан ҳал этиш тарафдори.

Эслатиб ўтамиз, аввалроқ Сергей Шойгу АҚШ Мудофаа вазирлиги раҳбари билан суҳбатда ҳодисага америкаликларнинг Россия Федерацияси томонидан эълон қилинган парвозларни чеклаш зоналарига амал қилмагани сабаб бўлганини таъкидлаган эди.