Тўқаев Қозоғистон парламенти қуйи палатасини тарқатиб юборди

Тўқаев Қозоғистон парламенти қуйи палатасини тарқатиб юборди

Қозоғистон Президенти Қосим-Жомарт Тўқаев республика парламенти мажилисини (қуйи палатаси) тарқатиб юборди ва навбатдан ташқари депутатлар сайлови ўтказилишини эълон қилди. Бу ҳақда Президент матбуот хизмати хабар берди.

“Давлат раҳбари 2023 йил 19 январдаги фармони билан еттинчи чақириқ Қозоғистон Республикаси парламенти мажилисини тарқатиб юборди, шунингдек, 2023 йил 19 мартга Қозоғистон Республикаси парламенти мажлиси депутатларининг навбатдан ташқари сайловини белгилади”, - дейилади хабарда.

Барча даражадаги маслихатларнинг (маҳаллий вакиллик органлари) ваколатлари ҳам тугатилди. Марказий сайлов комиссиясига депутатлар сайловини ташкил этиш топширилди.

Фармонлар қонун чиқарувчи ҳокимият ҳар икки палатаси спикерлари ва бош вазир билан маслаҳатлашувлардан сўнг имзоланди.

Январь ойида парламентнинг юқори палатаси – сенатга сайловлар бўлиб ўтди. Сайлов тизимини ислоҳ қилиш доирасида навбатдан ташқари тартиб-қоидалар амалга оширилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!