Трампнинг You Tube'даги аккаунти тикланди
You Tube видеохостинги АҚШнинг собиқ президенти Доналд Трампнинг аккаунти тиклангани ҳақида эълон қилди.
“Бугунги кунда Доналд Трамп каналига кириш чекланмаган ва у ерга янги контент юкланиши мумкин. Биз ҳақиқий зўравонликнинг давом этаётган хавфларини синчковлик билан баҳоладик, шу билан бирга сайловчиларнинг асосий номзодларни бир хилда эшитиш қобилиятини мувозанатлаштирдик”, — дейилади компания эълон қилган хабарда.
Қайд этилишича, You Tube бошқа каналлар сингари Америка собиқ президентининг саҳифасини кузатишда давом этади.
Эслатиб ўтамиз, Оқ уйнинг собиқ раҳбарининг АҚШдаги энг машҳур ижтимоий тармоқлардан узилишига 2021-йил 6-январдаги тартибсизликлар ва Капитолийга бостириб кириш сабаб бўлди.
Аввалроқ Трамп 2024-йилги президентлик сайловлари олдидан Twitter ва Facebookʻга қайтиш ниятида экани хабар қилинганди.
