Трамп кўрсатма беришга чақиртирилди
АҚШ Конгресси Вакиллар палатаси қўмитаси собиқ президент тарафдорлари Капитолийга бостириб кирган 2021 йил 6 январь воқеалари бўйича тергов доирасида Трампни расман кўрсатма беришга чақиришга қарор қилди.
"У жавобгарликка тортилиши керак. У ўз қилмишлари учун жавоб бериши керак", — деди қўмита раиси Бенни Томпсон Трампни кўрсатма беришга чақиртириш қарорини изоҳлар экан.
Қўмита аъзоларининг фикрича, Дональд Трамп 6 январь воқеаларида бевосита айбдор: "у президентлик сайловлари натижалари сохталаштирилганлигини ҳеч қандай далилсиз айтди ва нутқидан сўнг дарҳол унинг тарафдорлари Капитолий биносига бостириб киришди".
Бунинг натижасида беш киши ҳалок бўлган, юзлаб одамлар жароҳат олган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
