Трамп аслида фаластинликларни қаерга жўнатмоқчи?

АҚШ президенти Дональд Трамп маъмурияти Ғазо аҳолиси учун янги жойлар сифатида Марокаш, Пунтланд ва Сомалиландни кўриб чиқмоқда. Бу ҳақда Исроилнинг N12 телеканали манбаларига таяниб хабар берди.

Манбаларга кўра, Вашингтон ушбу ҳудудлар АҚШ билан алоқаларини мустаҳкамлашга қизиқиши мумкин деб ҳисоблайди:
🔹 Пунтланд ва Сомалиланд халқаро миқёсда тан олинишга интилмоқда,
🔹 Марокаш эса Ғарбий Саҳрога оид баҳсларга аралашган.
Оқ уй вакиллари фаластинлик қочқинларни жойлаштириш ушбу минтақалар учун халқаро мавқеини мустаҳкамлаш имконияти бўлиши мумкин деб ўйламоқда.

Трампнинг Ғазо аҳолисини кўчириш режасига дунё бўйлаб кескин қаршилик билдирилди.

🚫 Яқин Шарқнинг етакчи давлатлари –
🇹🇷 Туркия, 🇯🇴 Иордания, 🇪🇬 Миср, 🇸🇦 Саудия Арабистони ва 🇶🇦 Қатар бу таклифни рад этди.
🔹 Иордания ташқи ишлар вазири Айман Сафади мамлакати «Фаластинликларни мажбуран кўчириш жараёнида қатнашмайди», дея таъкидлади.
🔹 Миср эса бу режа минтақа барқарорлигига таҳдид солишини билдирди.
🔹 Туркия ТИВ раҳбари Ҳакан Фидан эса, «Фаластин муаммоси айнан шундай ғайриинсоний қарорлар натижасида бошланган», дея эслатиб ўтди.

🌍 БМТ ва Европа Иттифоқи Ғазо келажаги фақат дипломатик йўл билан ҳал этилиши кераклигини таъкидлади.
🇩🇪 Германия, 🇫🇷 Франция ва 🇪🇸 Испания ҳам Трамп режасига қарши чиқди.
🔹 Германия ТИВ раҳбари Анналена Бербок фаластинликларни мажбуран кўчириш «янги азоб-уқубатлар ва нафрат тўлқинини келтириб чиқариши» ҳақида огоҳлантирди.

⚖️Human Rights Watch ва Amnesty International бу ташаббусни Женева конвенциялари бузилиши деб атади.
🔹 Фаластин расмийлари бу ҳаракат уларнинг ўз тақдирини ўзи белгилаш ҳуқуқини бузиши ва бутун минтақада беқарорликка олиб келиши ҳақида огоҳлантирди.

Трамп танқидни рад этди ва ўз режасини «ҳамма учун мақул вариант» деб атади.
Ҳозирча АҚШ N12 телеканали маълумотларини тасдиқламади ҳам, инкор этмади ҳам.
🇲🇦 Марокаш, Пунтланд ва Сомалиланд ҳам ҳали расмий баёнот бермади.