Товарларнинг ноқонуний олиб кирилишига чек қўйилди
![Товарларнинг ноқонуний олиб кирилишига чек қўйилди Товарларнинг ноқонуний олиб кирилишига чек қўйилди](/photos/news/4rWTFjnMpW13ux2.jpeg)
Бухоро вилояти божхона бошқармасининг “Олот” чегара божхона постига хорижий йўналишда ҳаракатланиб кириб келган юк автомашинаси тегишли тартибда бирламчи божхона назоратидан ўтказилди.
Юкларнинг инспекцион кўрик мажмуасидан олинган рентген тасвирлари ҳамда юк кузатув ҳужжатларида кўрсатилган маълумотлар ўртасида юзага келган тафовут божхона кўригидан ўтказиш лозимлигини кўрсатди.
Холислар иштирокида ўтказилган божхона кўриги давомида эса, машинада юк кузатув ҳужжатларида кўрсатилмаган умумий қиймати 15 миллиард 547 миллион сўмни ташкил этувчи ўсимликларни ҳашаротлардан зарарсизлантириш мақсадида қўлланиладиган препаратлар борлиги аниқланди.
Айни дамда ҳолат юзасидан божхона органлари томонидан терговга қадар текширув ҳаракатлари олиб борилмоқда.