Тошкентдаги сомсахона фаолияти тўхтатилди
Санепидқўмита Тошкент шаҳар бошқармаси Миробод туман бўлими мутахассислари томонидан бир неча маротаба огоҳлантиришларга қарамасдан, аҳолини овқатдан заҳарланишига мойиллиги юқори ҳисобланаган объектларнинг фаолияти яна бир маротаба назоратдан ўтказилди.
Хусусан, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилдан олинган рухсатнома асосида «Янги замон» МФЙ Банокатий кўчаси, 163-уйда жойлашган якка тартибдаги тадбиркорлик субъектида санитария ҳолатлари бўйича текширув ўтказилди.
Текширувнинг энг муаммоли жиҳати шундаки, СанҚваМ талабларига мутлақо мос келмайдиган ҳолатда, сомса тайёрлаш учун мўлжалланган ҳудудда ҳеч қандай оқава сув тизими ташкил этилмаганлиги, қўл ювиш жойлари мавжуд эмаслиги ва махсус ускунларнинг ўрнатилмаганида бўлди.
Бундан ташқари, ҳеч бир ишчи ходимда тиббий кўрик хулосалари, санминиммум ўқув курсларида таълим олмаганликлари аниқланди. Шунингдек, музлатгичларнинг ўз вақтида тозаланмай ҳидланиб қолганлиги, фойдаланилган идиш-товоқларнинг ювилмасдан қолганлиги кузатилди.
Мазкур аниқланган камчиликлар юзасидан тадбиркорга қонунда белгиланган тартибда чора кўрилди ва сомсахона фаолияти вақтинча тўхтатилди.
