Тошкентда кран ҳайдовчисининг ўлими юзасидан жиноят иши қўзғатилди

Тошкентда кран ҳайдовчисининг ўлими юзасидан жиноят иши қўзғатилди

2023 йил 02 февраль куни соат тахминан 10:50ларда Паркент тумани Заркент қишлоғида жойлашган “Заркент ота” зиёратгоҳи рўпарасида сой устида кўприк қурилишида ишлаётган “Йўл қурилиш” МЧЖда кран ҳайдовчиси бўлиб ишлаб келган Тошкент вилояти, Бўстонлик тумани, Товоқсой қўрғони, Илашов кўчаси 16-уйда яшовчи 17.06.1985 йилда туғилган Аметов Салим Айдерович бошқараётган юк крани кўприк учун мўлжалланган бетон плитани кўтараётган вақтда, кран ағдарилиши натижасида ушбу кран бошқарувчиси С.А.Аметов тан жароҳати олиб Паркент туман тиббиёт бирлашмасига мурожаат қилган.

Паркент тумани тиббиёт бирлашмасининг №64-сонли маълумотномасига кўра С.А.Аметовнинг танасида БМЧ, БМЁЖ, умуртқа поғонаси кўкрак бел қисми юмшоқ тўқималари лат ейиши, кўкрак қафаси қорин тўмтоқ жарохати, ўнг томон пневмоторакс, травматик шок каби тан жароҳатлари борлиги аниқланиб, олиб борилган тиббий ёрдам муолажаларига қармай С.А.Аметов олган тан жароҳатлари билан тиббиёт бирлашмасида вафот этган.

Мазкур ҳолат юзасидан Паркент тумани ИИБ хузуридаги тергов бўлими томонидан Ўзбекистон Республикаси ЖКнинг 257-моддаси 2-қисми “а” банди билан №272491/2023-16HA-сонли жиноят иши қўзғатилиб, дастлабки тергов ҳаракатларига киришилган.

Ҳозирда жиноят иши юзасидан тергов ҳаракатлари давом эттирилмоқда.

Паркент тумани ИИБ ҳузуридаги

ТБ бошлиғи подполковник Ж.М.Якубов


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!