Тошкентда фалокат: 61 ёшли аёл касалхонага етказилди
11 июль куни соат 19:15 да Мирзо-Улуғбек туманидаги Буюк Ипак Йўли кўчасида 36 ёшли Рустам У. “Cobalt” русумл автомобиль бошқариш давомида светофорнинг тақиқловчи сигнали остида тўхтаб турган автомобилларни четлаб ўтмоқчи бўлиб, қарама-қарши ҳаракат йўналишига чиқиб кетган ва 27 ёшли Севара С. бошқарувидаги “Tracker” русумли автомобилга тўқнашган. Бу ҳақда Тошкент шаҳар ИИББ хабар берди.
ЙТҲ натижасида “Tracker” йўловчиси 61 ёшли Лола С. бадан шикастлари билан шифохонага етказилди.
23 июль куни суд-тиббий экспертиза хулосасига кўра йўловчига ўрта оғирликдаги бадан шикастлари етганлиги маълум бўлди. Мазкур факт асосида Ўзбекистон Республикаси Жиноят кодексининг 266 моддаси (“Транспорт воситалари ҳаракати ёки улардан фойдаланиш хавфсизлиги қоидаларини бузиш”) бўйича жиноий иш қўзғатилди.
