Тошкентда 2-халқаро инвестиция форуми бўлиб ўтади

Жорий йилнинг 27-28 апрель кунлари Congress Hall Tashkent City’да 2-Тошкент халқаро инвестиция форуми бўлиб ўтади.

Биринчи Тошкент халқаро инвестиция форуми дунёнинг 56 мамлакатидан 2000 дан ортиқ иштирокчилар - йирик инвесторлар ва юқори мартабали меҳмонларни бирлаштирган йирик халқаро тадбирга айланганди.

Тошкент халқаро инвестиция форуми-2023 қатнашчиларининг сони ошиши кутилмоқда, унинг давомида Ўзбекистон ва Марказий Осиё инвестициявий салоҳиятини атрофлича очиб беришга қаратилган ялпи мажлис, экспертларнинг 30 дан ортиқ қизғин баҳс-мунозаралари, ялпи мунозаралари, давра суҳбатлари ва B2B музокаралари ўтказилиши режалаштирилган.

Тадбирда иштирок этиш учун www.iift.uz сайтида 2023 йил 20 апрелгача онлайн рўйхатдан ўтиш мумкин.