Тошкент ерусти ҳалқа метросининг иккинчи босқичи қачон қуриб битказилиши маълум бўлди
Тошкент ерусти метросининг иккинчи босқичи доирасида бешта бекатни шу йил якунида ва қолган иккитасини келгуси йил Наврўзда ишга тушириш мўлжалланган. Бу орқали 62 та маҳалладаги 250 мингга яқин аҳоли метрополитен билан қамраб олинади.
Бу ҳақда давлат раҳбари матбуот хизмати хабар бермоқда.
Президент Шавкат Мирзиёев Тошкент метрополитени инфратузилмасини ривожлантиришга қаратилган лойиҳалар билан танишди.
Давлат раҳбарига қурилаётган ерусти ҳалқа метросининг иккинчи босқичини давом эттириб, Сергели йўналиши билан боғлаш, замонавий қурилиш услубларини татбиқ этиш, метро поездларини янгилаш, йўловчи оқимини янада ошириш режалари ҳақида ахборот берилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
