Тожикистон президентининг Ўзбекистонга ташриф буюриши кутилмоқда

Тожикистон президентининг Ўзбекистонга ташриф буюриши кутилмоқда

13 май куни Ўзбекистон ташқи ишлар вазири в.б. Владимир Норов Душанбе шаҳрида бўлиб ўтаётган Мустақил Давлатлар Ҳамдўстлиги Ташқи ишлар вазирлари кенгашининг навбатдаги мажлиси доирасида Тожикистон Республикаси ташқи ишлар вазири Сирожиддин Муҳриддин билан музокаралар ўтказди. Бу ҳақда ТИВ матбуот хизмати хабар берди.

Икки давлат ТИВ раҳбарлари Тожикистон президентининг Ўзбекистонга бўлажак ташрифи юзасидан, шунингдек, сиёсий, савдо-иқтисодий, транспорт-коммуникация, маданий-гуманитар соҳалардаги икки томонлама ҳамкорликни атрофлича муҳокама қилди.

Томонлар Савдо-иқтисодий ҳамкорлик бўйича Ўзбекистон-Тожикистон Ҳукуматлараро қўшма комиссиянинг навбатдаги мажлисини имкон қадар тез муддатларда ўтказиш зарурлигини қайд этди.

Жорий йилда дипломатик муносабатлар ўрнатилганининг 30 йиллиги муносабати билан икки давлат ҳудудида қўшма йирик маданий тадбирлар уюштириш юзасидан якдил муносабат билдирилди.

Шунингдек, Тожикистон томони Самарқандда бўлиб ўтадиган ШҲТ саммитида фаол иштирок этишга тайёрлигини тасдиқлади.

Мулоқот чоғида томонлар минтақавий ва халқаро сиёсатнинг долзарб масалалари юзасидан ҳам фикр алмашиб, келгуси давр учун қўшма тадбирлар жадвалини кўриб чиқди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (2 )

    XUSRAV
    👏
    Х
    Узбекистон Марказий Осиёда уз урни ва салохиятига эга мамлакат.Бу бизгача шундай булиб келган ва шунака булиб колаверади.Марказий Осиё доирасида етакчилик доимо Узбекистон елкасида турган вазифа.Шу туфайли бизда европадагидек миллатчилик ва гурухбозлик ривожланишига йул куймаслик лозим.