ТДИУ собиқ проректори нега қидирувга берилгани маълум қилинди

ТДИУ собиқ проректори нега қидирувга берилгани маълум қилинди

Тошкент давлат иқтисодиёт университети (ТДИУ) муассаса собиқ проректори Нодир Идиев қидирувга берилгани юзасидан расмий муносабат билдирди.
Олийгоҳ айрим электрон нашрларда тарқалган собиқ проректор Идиев август ойида университет томонидан қидирув берилгани ҳақидаги хабарни рад этган.
“Вазиятга ойдинлик киритиб ўтамиз. Нодир Фозилович Идиев “Асакабанк” АЖ Бухоро вилояти филиалида фаолият юритган давридаги ишлари сабаб қидирувга берилган. Идиевга қўйилаётган айблов унинг Тошкент давлат иқтисодиёт университетидаги фаолияти билан боғлиқ эмас”, - дейилган хабарда.
Қайд этиш жоизки, июль ойида Бухорода “Асакабанк” собиқ мансабдорлари Осиё тараққиёт банки ажратган 2 млн долларни талон-торож қилгани аниқлангани хабар қилинган эди. Маҳаллий ОАВлар Идиев айнан шу иш доирасида қидирувга берилган бўлиши мумкинлиги ҳақида ёзишмоқда.

“Асакабанк” маълумотларига кўра, Нодир Идиев 2016 йилда (июнь-август) “Asaka Invesment” бошқаруви раиси ўринбосари, 2017 йилда эса банкнинг ички аудит хизмати бошлиғи лавозимларида ишлаган.
Ҳозир Нодир Идиевга нисбатан Жиноят кодексининг 168-моддаси (фирибгарлик) 3-қисми ва 209-моддаси (мансаб сохтакорлиги) 2-қисми билан жиноий иш очилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (1 )

    Абдусаттор
    Топилмадими?