Столтенберг Украинага ҳаво ҳужумидан мудофаа тизимларини етказиб бериш масаласини долзарб деб атади

НАТО бош котиби Йенс Столтенберг Украина Қуролли кучларини ҳаво ҳужумидан мудофаа тизимлари билан таъминлаш масаласи долзарб эканлигини айтди.

Бу ҳақда Столтенберг Катта еттилик ташқи ишлар вазирларининг Капри оролида бўлиб ўтган учрашуви чоғида маълум қилди.

“Бу шошилинч. Чунки кечикишнинг ҳар бир куни Украина учун каттароқ зарарга олиб келади», — дея унинг сўзларини келтиради РИА Новости.

Бош котибнинг қўшимча қилишича, ҳаво ҳужумидан мудофаа тизимлари Украинага қанчалик тез етказилса, бу унга шунчалик яхши бўлади.