Швеция полицияси чечен блоггери Тумсо Абдураҳмоновнинг ўлдирилиши ҳақидаги хабарларга изоҳ бермаяпти

Швеция полицияси BBCга ОАВда Россия фуқаросининг ўлдирилиши мумкинлиги ҳақидаги хабарлардан хабардор эканини айтди, аммо буни тасдиқлай олмайди ёки изоҳ бера олмайди.

Жума куни Швециядаги чеченистонлик қочқинларга ёрдам бераётган Чеченистонда жойлашган «Вайфонд» инсон ҳуқуқлари ассоциацияси Чеченистон раҳбари Рамзан Қодировнинг энг таниқли танқидчиларидан бири Тумсо Абдураҳмонов ва унинг укаси Муҳаммад бир неча кундан бери алоқага чиқмаётганини айтди.

Душанба куни чечен мухолифатининг 1ADAT телеграм канали Абдураҳмонов ўлдирилгани ва унинг укаси гўёки Швеция махфий хизматлари томонидан яширилгани ҳақида хабар берган эди. Россияда «Адат» ҳаракати экстремистик ташкилот деб эълон қилинган ва унинг фаолияти тақиқланган.