Шимолий Корея Пелосининг Тайванга ташрифига муносабат билдирди

Шимолий Корея Пелосининг Тайванга ташрифига муносабат билдирди

Пхеньян АҚШ Конгресси Вакиллар палатаси спикери Ненси Пелосининг Тайванга ташрифини кескин қоралади ва буни Вашингтоннинг бошқа давлатнинг ички ишларига “қўпол аралашуви” деб атади, деб ёзади “Интерфакс”.

“Ҳозирги вазият шундан далолат берадики, айнан АҚШнинг ички ишларга қўпол аралашуви ва уларнинг қасддан ҳарбий-сиёсий провокацион фитналари минтақада тинчлик ва хавфсизликни бузишнинг асосий манбаи ҳисобланади”, — деди Шимолий Корея ТИВ вакили.

Ташқи ишлар вазирлиги “Тайван Хитойнинг ажралмас қисми, Тайван масаласи эса Хитойнинг ички иши” эканлигини таъкидлади.

Улар ташқи кучларнинг мамлакат ички ишларига аралашувига қарши чоралар кўриш “суверен давлатнинг табиий ҳуқуқи” эканлигини таъкидладилар.

“Биз Тайван масаласига ташқи кучларнинг аралашувини қоралаймиз ва рад этамиз, Хитой ҳукуматининг давлат суверенитети ва ҳудудий яхлитлигини қатъий ҳимоя қилиш тарафдори бўлган адолатли позициясини тўлиқ қўллаб-қувватлаймиз”, — дейилади ТИВ хабарида.

АҚШнинг "Хитой тараққиёти ва кучайишига тўсқинлик қилиш" уринишлари муваффақиятсизликка учрайди, дея хулоса қилди вазирлик.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!