Шифокор айби билан фарзанд илинжидаги самарқандлик аёл вафот этди

Шифокор айби билан фарзанд илинжидаги самарқандлик аёл вафот этди

Олимов Шуҳрат Гапаровичга нисбатан 1-1411-190011/13-сонли жиноят иши очилди.

Олимов Шуҳрат Гапарович (1980 йил 25 февраль куни Оқолтин туманида туғилган, Ўзбекистон фуқароси, миллати ўзбек, маълумоти олий, оилали, 3 нафар фарзанди бор, Оқолтин туманида жойлашган хусусий корхонаси директори шифокор) Ўзбекистон Республикаси Соғлиқни сақлаш вазирлиги томонидан тиббий фаолиятни амалга ошириш учун берилган У-0652-01-сонли лицензияга асосан Оқолтин тумани, Лойиш шаҳарчаси, Наврўз кўчаси 35-уйда хусусий корхонасини ташкил қилиб, фуқароларга пуллик хизмат кўрсатиб келиб, лицензия битимининг 3.2-бандида кўрсатилган “Ўзбекистон Республикаси Соғлиқни сақлаш вазирлиги томонидан рухсат этилган профилактик диагностика, даволаш стандарт ва методларини зарарсизлантириш воситалари, реактивлар ва дори дармонларни қўллаш” талабини бажармасдан, фуқаро Саҳибова Манзурани “Фолликул персистенцияси, Хайз циклининг бузилиши, Меноррагия, Бачадон миомаси, Бачадон бўйни полипи, Бепуштлик иккиламчи, Бўқоқ 2 даража, Бачадон найлари ўтмаслиги” ташхиси асосида унга Ўзбекистон Республикаси Соғлиқни сақлаш вазирлигининг 2017 йил 27 ноябрдаги “Ўзбекистон Республикаси соғлиқни сақлаш муассасаларида гинекологик касалликларни ташхислаш ва даволаш стандартлари”да даволаш усули сифатида киритилмаган “Гидротубация” амалиётни бажариш учун бемор М.Сахибовадан ёки унинг яқин қариндошларидан ёзма розилигини олмасдан, яъни Ўзбекистон Республикаси “Фуқаролар соғлиғини сақлаш тўғрисида”ги қонуннинг 26моддасида “фуқаронинг ўз касаллигига доир маълумотларни билган ҳолда, ўз ихтиёри билан розилик бериши тиббий аралашувнинг дастлабки зарур шартидир”-деб белгилаб қўйилган бўлишига қарамасдан судланувчи Ш.Олимов томонидан ушбу қонун талаблари бажарилмасдан, шунингдек М.Саҳибовада анафилактик шокни келиб чиқишини олдини олиш учун профилактик чора тадбирларини бажармасдан, бемордан аллергологик анамнез йиғилмасдан, дори воситаларига ва озиқ-овқат маҳсулотларига аллергияси бор-йўқлигини аниқламасдан, бир нечта дори воситалари аралашмасини беморга юбориб, ишлатиладиган ҳар бир дори воситаси тери ичига синамаси қўйилмасдан, М.Саҳибовага “Гидротубация” амалиёт давомида юборилган дори воситалари аралашмасидан юзага келган анафилактик шокда унинг ҳаётини сақлаб қолиш учун етарли чораларни кўрмасдан, касби юзасидан ўз вазифаларини лозим даражада бажармаганлиги оқибатида М.Саҳибова шифохонада вафот этган.

“Jahon.uz” нинг ўз манбаси тақдим этган маълумотларга кўра, Самарқанд вилоят суд тиббиёт экспертиза бюросининг 310-сонли хулосасида, марҳума Саҳибова Манзурани ўлими лидокаин дори воситасини ножўя таъсири оқибатида юзага келган анафилактик шокдан келиб чиққан бўлиши мумкинлиги кўрсатилган. Шунингдек, Самарқанд вилоят суд тиббиёт экспертиза бюросининг К-51-сонли комиссион экспертиза хулосасида бемор М.Саҳибованинг бачадон бўшлиғига дори воситалари аралашмаси юборилгандан сўнг, аҳволи тўсатдан оғирлашгач, уни зудлик билан энг яқинда жойлашган шошилинч тез ёрдам кўрсатиш имконияти бўлган тиббий муассасага ўтказилиб ёки хусусий тиббий муассасанинг ўзида, аҳволи тўғри баҳоланиб, зарурий ёрдам реаниматолог назоратида олиб борилганида, марҳуманинг ҳаётини сақлаб қолишни эҳтимоли мавжудлиги кўрсатилган.

Бундан ташқари, Ш.Олимов бемор М.Саҳибовада “Гидротубация” амалиётдан сўнг анафилактик шок юзага келганида уни ҳаётини сақлаб қолиш учун 1 мг. адреналинни юрак соҳасига ҳамда 2 мг. дексеметазон дори воситаларини мушак соҳасига юбориш билан кифояланиб, хусусий шифохонада бемор М.Саҳибованинг номига юритилган 8661-сонли амбулатор тиббий картасига М.Саҳибовага шошилинч ёрдам кўрсатиш мақсадида унинг вена қон томирларига дексаметазон 12 мг, димедрол 1,0 мл, адреналин 0,1%-1,0 мл., натрий хлор 400 мл. дори воситалари юборилганлиги тўғрисида сохта маълумотларни киритган.

Олимов Шухрат тахминан 2013 йилда Саҳибова Манзура фарзандлик бўлолмаётганлигини айтиб у ишлайдиган “Олимов Шухрат Гапарович” хусусий корхонасига қабулига келганлиги, у уни муқаддам даволаши натижасида 2014 йилда фарзандли бўлганлиги, шундан сўнг М.Саҳибова яна келиб бачадон найлари ёпиқлигини, яна фарзандли бўлмаётганлигини айтганлиги, шундан сўнг кейинги хайзнинг 7-8 кунларига келиб бачадон найларини текшириб кўриб, агар бачадон найлари ёпиқ бўлса “Гидротубация” яъни бачадон найларини очамиз деб айтиб, уйига жавоб берганлигини айтган.

Суд ушбу жиноят ишини ҳамма томонлама ўрганиб, Судланувчи Олимов Шухрат Гапарович Ўзбекистон Республикаси Жиноят кодексининг 116-моддаси 3-қисми ва 228-моддаси 1-қисмида назарда тутилган жиноятларни содир қилганликда айбдор деб топди ва унга, Ўзбекистон Республикаси Жиноят кодексининг 116-моддаси 3-қисми  билан, ЖКнинг 45-моддасини қўллаб, 2 (икки) йил муддатга муайян ҳуқуқдан, яъни тиббиёт соҳасида мансабдорлик ва моддий жавобгарлик лавозимларида ишлаш ҳуқуқидан маҳрум қилиб, 2 (икки) йил муддатга озодликдан маҳрум қилиш жазоси тайинлади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!