Самарқандда "Кобалт" ва “Дамас” тўқнашди, ҳайдовчилардан бири ҳалок бўлди

Самарқанд вилояти Каттақўрғон туманида содир бўлган ЙТҲда “Кобалт” ва “Дамас” машиналари ўзаро тўқнашган.

ИИВ ЙҲХББ ахборот хизматининг хабар беришича, ҳодиса 31 июл куни содир бўлган.

Шу куни соат 8:30 ларда Каттақўрғон тумани Бургансой маҳалласи ҳудудидан ўтган йўлда “Кобалт” билан ҳаракатланган ҳайдовчи қарама-қарши йўналишга чиққан.

Сўнг рўпарадан ҳаракатланиб келаётган “Дамас”нинг йўлига чиқиб кетиб, у билан тўқнашган.

Оқибатда “Дамас” ҳайдовчиси оғир тан жароҳатлари олиб, воқеа жойида ҳалок бўлган.

Қайд этилишича, ҳолат юзасидан Жиноят кодексининг 266-моддаси 2-қисми билан жиноят иши қўзғатилган.