Россия крипто майнингни қонунийлаштирди

Россия Федерация Кенгаши йиғилишида Россияда криптовалюта майнингини қонунийлаштирувчи қонунни тасдиқлади. Ҳужжат Давлат Думасининг Молиявий бозорлар бўйича қўмитаси раиси Анатолий Аксаков бошчилигидаги депутатлар гуруҳи ташаббуси билан амалга оширилди.

Ҳужжат 2022 йил ноябрь ойида қуйи палатага кўриб чиқиш учун тақдим этилган ва 2024 йил апрель ойида унинг қайта кўриб чиқилган таҳрири Давлат Думасига тақдим этилган.

Рақамли валюти майнинги билан шуғулланадиган жисмоний ва юридик шахсларнинг фаолиятига, шу жумладан майнинг-пул иштирокчилари, шунингдек, уларнинг фаолиятини ташкил этувчи жисмоний шахсларга қўйиладиган талаблар Россия банки билан келишилган ҳолда Россия ҳукумати томонидан белгиланади. Рақамли ривожланиш вазирлиги ушбу талабларга риоя этилишини назорат қилади.

Фақатгина Россия юридик шахслари ва реэстрга киритилган якка тартибдаги тадбиркорлар майнинг ҳуқуқига эга бўлади.