«Россия жосуси»ни ким ўлдирди?
Норвегия полицияси «Россия жосуси» деб ҳисоблланган кит Хвалдимирнинг ўлимига одамлар сабаб бўлмаганини маълум қилди.
Норвегия сувларида беш йил аввал бўйнига жабдуқ боғланган ҳолда аниқланган ва 31 август куни ўлик ҳолда топилган белуга китининг оғзига таёқ тиқилиб қолган ва унинг ўлими инсон фаолияти билан боғлиқ эмас, деди полиция.
Хвалдимирнинг жасади - норвегча кит сўзи ва Россия президенти Владимир Путиннинг исмининг бирикмаси - бир ҳафта олдин Норвегия жанубида балиқ овлаётган ота ва ўғил денгизда сузиб юрганида аниқланган.
Жануби-ғарбий округ полицияси баёнотида айтилишича, текширув узунлиги 35 см ва кенглиги 3 см бўлган таёқ китнинг оғзига тиқилиб қолганини кўрсатган.
«Ўтказилган терговларда Хвалдимирнинг ўлимига бевосита инсон фаолияти сабаб бўлганини аниқлайдиган ҳеч нарса йўқ».
