Роналдунинг кетиши Ла Лиганинг обрўсини туширадими? Ла Лига президенти бу саволга жавоб берди
Хабарингиз бор, бугун Роналду расман “Ювентус” футболчисига айланди. Португалиялик футболчининг Ла Лигадаги, “Реал”даги миссияси тугади ва у энди А серия шарафини ҳимоя қилади. Криштиани “Ювентус” билан 4 йиллик шартномага имзо чекди.
Хўш, португалиялик футболчининг кетиши Ла Лаига обрўсига таъсир кўрсатадими? Ла Лига президенти Хавер Тебас бу саволга жавоб берди:
“Беш йил олдин хотиржамлигимни 10 баллдан 9 баллга баҳолардим. Энди эса 10 баллдан 4 баллга баҳолайман. Биз бу йиллар давомида бизнинг Лигада энг кучи клублар ва футболчилар бўлиши учун жуда кўп ишларни амалга оширдик. Биз охирги йилларда жуда кўп телевизион шартномалар туздик, чунки Месси ва Роналду Ла Лигада ўйнаб турганида ҳеч ким эътиборини бошқа томонга қаратмасди. Энди бундай бўлиши қийин. Роналдуга миннатдорчилик билдирамиз”, деди Тебас.
