Роналдо Анчелоттини ўзи кўндирмоқчи

Бразилия футбол конфедерасияси (CBF) вакиллари яқин ҳафталарда Мадриднинг “Реал” клуби бош мураббийи Карло Анчелотти билан шахсий учрашув ўтказишни режалаштирмоқда, деб хабар беради UOL Esporte.

Манбага кўра, "пентакампеонлар" италиялик мутахассис билан 2024 йилгача шартнома имзоламоқчи ва бу борада яқин орада учрашув ўтказилади.

Қайд этилишича, мураббий билан яқин муносабатда бўлган Роналдо Анчелоттини ишонтиришга ёрдам бериши мумкин.

2022 йилги жаҳон чемпионатининг 1/4 финал босқичида мағлуб бўлгач, Тите Бразилия терма жамоасини тарк этди.