Қуръони Каримнинг математик мўъжизалари

Қуръони Карим мўъжизавий математик аломатларга ҳам тўла. Зафар Ҳошимов Facebook’даги саҳифасида улардан айримларига тўхталиб ўтади.

«Табиийки, бу фактлар менинг тадқиқотим маҳсули эмас. Яқинда эски талабалик давримдаги дафтарларимни кўздан кечириб, тартиблаётганимда, ушбу ёзувлар туширилган конспектим қўлимга тушиб қолди. Тошкент Давлат Университети математика факультети учинчи курсида, талабалик чоғимда шу тадқиқотларни ҳар хил китоб ва манбалардан йиққан эканман.

Уларнинг бири Mathematical Miracles of Qur'an, деган китоб экан. Бу китобнинг номини шу конспект ҳошиясига ёзиб қўйган эканман. Афсуски, ўшанда муаллифнинг исм-шарифи ва бошқа манбаларни ёзишни унутибман», — дея изоҳ беради З. Ҳошимов.

1) Кун (яум) сўзи Қуръонда 365 марта келади.

Йилда 365 Кун бор.

2) Кунлар (кўпликда) сўзи 30 марта келган.

Ойда 30 кун (ҳижрий 29-30, мелодий 30-31, ўртанча- 30 кун).

3) Кун сўзининг барча шаклларида 475 марта келади.

475=19*25.

Бунда бир йил ичида қуёш ўз ўқи атрофида 25 марта айланар экан. Қуёш ва ой эса ерга нисбатан бир хил ҳолатга ҳар 19 йилда келар экан.

4) Ҳудди шунингдек йил сўзи ҳам Қуръони Каримда 19 марта ишлатилади. Бир йил ичида Ер ўз ўқи атрофида 365 марта айланса, ой 12 марта айланади. Фақат бу ерда нотўлиқлик бор, яъни математик сўзда «қолдиқлик» бўлинади. Ҳар 19 қамарий йилда ушбу тафовут йўқ бўлар экан.

5) «Йил» (синет, синин) сўзи Қуръонда икки шаклда келган экан. Синет сўзи 7 марта, синин сўзи 12 марта. Жами, юқорида айтилганидек, 19 марта.

Ўша 19 қамарий йилнинг 7 таси 355 кун, 12си эса 354 кунни ўз ичига олар экан.

6) Ой (шаҳр) сўзи Қуръони Каримда 12 марта келган.

7) Ой (Қамар) сурасининг биринчи оятидан Қуръон якунигача 1389 оят бор. Таажубки, инсон Ойга илк қадамини ҳижрий 1389 йили босган.

8) Қуёш сўзи 33 марта, соя сўзи 33 марта, шарқ ва ғарб сўзлари 16+17=33 марта, нур сўзи 33 марта келган.

9) Ер сўзи 12 марта, Денгиз сўзи 32 марта келган. Уларнинг нисбати 0,375. Маълумки, сайёрамизда Ер ва сув сатҳининг нисбати ҳам 0,375 га тенг.

Араб ҳарфларининг ҳар бири бирор сонга боғлик эканлигини эшитганмидингиз?

Масалан,

Ҳа=8, Дал=4, Я=10 ва Дал=4.

Ҳадид- Пўлат (Темир). Ҳарфлар йиғиндиси 26.

Темирнинг атом рақами 26. Менделеев туғилишига ҳали 1300 йил қолган эди.

57-сура Ал Ҳадид. Алиф =1 Лам=30. 1+30+26=57-суранинг навбат рақами.

Темирнинг тўртдан бир изотопи 57. Қуръон охиригача бу сурани инобатга олсак 58 та сура қолади. Темирнинг иккинчи изотопи 58.

10) Наҳл (асалари сураси).

Бу сура Қуръоннинг 16-сураси.

Шу билан бир қаторда, эркак асаларида 16та хромосома мавжуд экан. Урғочисида эса 2*16=32 та хромосома бор. Бу сурада 128 та оят бор. 128=8*16=4*32. Бу сурада наҳл (асалари) сўзи 68-оятида (а) келади. Бу оят 13та (б) сўздан иборат. Ушбу асалари сўзига қадар қиладиган суранинг барча сўзларини санасак умумий сони 884 бўлади. 884= а*б=68*13. Балки бу шунчаки тасодифдир, Валлоҳу аълам.

11) Бисмиллаҳир Роҳманир Роҳим жумласида 19 ҳарф бор. (Шу ўринда 19 сони ҳозиргача ва бундан кейин кўп учрашини таъкидлаб қўймоқчиман). Фотиҳа сурасида бундан кейин яна 6 та оят келади. 19*6=114. Қуръони Каримда 114та сура бор. Фотиҳа сураси Қуръоннинг онаси, деб бежиз айтилмаган.

12) Қуръонда ота ва она сўзлари ҳар иккаласи тенг 117 марта келган.

13) Қуръонда ака-укалар (ахва) ва қариндошлар (ақрабо) сўзларининг ҳар иккаласи тенг 96 марта келган.

14) Огоҳлантириш сўзи ва хавф сўзлари иккиси тенг 124 марта келган.

15) Дунё ва Охират сўзлари тенг 115 марта келган.

16) Малоика ва шайтон сўзлари тенг 88 марта келган.

17) Наф ва фасод сўзлари 50/50 келган.

18) Узоқ ва яқин сўзлари 10/10 келган.

19) Билмоқ ва тушунмоқ сўзлари тенг 29 марта келган.

20) Айт (қул) ва айтдилар (қалу) сўзлари тенг 332 марта келишган.

21) Наби ва наба сўзлари 80 мартадан учрайди.

22) Охиратни белгиловчи Соат ва ғойиб сўзлари ҳар иккаласи тенг 48 марта келган.

23) Буниси жуда ёқади:

Ўқимоқ (иқро) ва нажот изламоқ сўзлари тенг 17 мартадан келган.

24) Кам (қалил) ва шукур сўзлари тенг 75 марта учрайди.

25) Мезон ва исроф сўзлари 23 марта келган.

26) Раҳмат ва ҳидоят сўзлари ҳар иккаласи тенг 79 марта келган.

27) Бу жуда гўзали:

Аллоҳ Қуръон оятларида инсон яратилиши босқичларини бир неча бор атаб ўтади:

Тупроқ (тураб) 17 марта, томчи (нутфа) 12 марта, муайян осилиб туриш (алақ) 6 марта, чайналган эт (мудға) 3 марта, суяк (эзам) 15 марта ва гўшт/эт (лаҳм) 12 марта.

Йиғиндиси- 17+12+6+3+15+12=65.

Инсон (нас) сўзи тенг 65 марта келган.

Энди яна 19 сонига эътибор қарацак.

Бу рақам Қуръонда алоҳида марказий ўрин эгаллайди.

Авваламбор, 19 бу туб сон. Шунинг учун келтирилаётган мисолларда гап аниқ 19 ҳақида кетаётгани гумонсиз.

28) Бу рақам 74-Мудассир сурасининг 30-оятида ўзи келади:

«Унинг устида 19».

29) Ёдингизда бўлса, араб алифбоси ҳарфлари рақамларни белгилаш учун ишлатилади дегандим.

Ваҳид (бир, бирлик, ягона) сўзи Аллоҳнинг бирлигини англатади.

Унинг ҳарфлари вов (6 рақами), алиф (1), ҳа (8), дал (4).

6+1+8+4=19.

30) Ваҳид сўзи Аллоҳга таалуқли ҳолда Қуръонда 19 марта келган.

Аллоҳга таалуқли бўлмаган ҳолда Ваҳид сўзи 7 марта яна келади, фақат унда бу сўз билан оддий жиҳозлар сифатланади. Масалан, эшик, озиқ-овқатлар ва ҳ.к.

31) Буни қаранг, 31-бандда Мудассир сурасининг 31-ояти ҳақида гапирар эканмиз. Бу аниқ тасодиф, мен бундай мўлжалламаган эдим.

Хуллас, ўша оят 19 рақами келган 30-оятнинг давомида келади ва бу суранинг энг узун ояти бўлиб, унда 57 сўз бор. 19 рақами келган 30 оят: «Унинг устида 19» уч сўздан иборат. 19*3=57 ва 31-оят 19 рақамининг моҳиятини тушунтиради. «...Биз фақат кофирларни синаш учун уларнинг саноғини (ўн тўққиз) қилдик».

32) Ушбу 74-суранинг биринчи 19-оятида ҳам сўзлар сони 57 га тенг.

33) Бу суранинг 19 рақами келган 30-ояти ва унгача келган сўзларининг сони 95 (19*5).

34) 30-сурадаги 19 сонига қадар барча ҳарфлар сони 361 та (19*19).

35) Бу суранинг 56-рақамланган ояти бор, унга рақамланмаган Бисмиллоҳни қўшсак, яна 57 (19*3) ҳосил бўлади.

72- Жин сураси. 28-оятда «...ва барча нарсаларнинг саноғини (Аллоҳ) билади. У саналган», дейилган.

Бу оятнинг охирги «саналган» сўзи (адада) ушбу суранинг охирги сўзидир.

36) Адда (рақам, саноқ) сўзи барча кўринишларда Қуръонда 57 (19*3) марта келади.

37) Келтирилган оят 72-суранинг 28-ояти. Бу рақамларни қўшсак 7+2+2+8=19.

38) Адада сўзининг ўзи суранинг 285-сўзи (5*19).

39) Бу сурада адада сўзи икки оятда келади—24 ва 28-оятлар. Бу икки оятдаги сўзларнинг умумий сони 95 (19*5).

40) Мазкур суранинг барча оятлари охирги сўзларининг ҳарфлари сони 114 (19*6).

41) Ушбу 28-оятда 28 та сўз бор. Уларнинг баъзилари шу оятда бир неча марта қайтарилган. Ушбу қайтарилган сўзларни санамай (ноёб) сўзларни санасак, саноғини яна 19 та сўз бўлади. Бундан ташқари араб алифбоси 28 та ҳарфли бўлса, бу оятдаги биз айтган 19 та (ноёб) сўзлар 19 та мутлақо ҳар хил араб ҳарфлари билан тугайди.

42) Адада сўзи ’айн+дал+дал+алиф деб ёзилади. Бунда ’айн Жин сурасида

’айн ҳарфи 37 марта келган.

Дал ҳарфи 54 марта

Алиф ҳарфи 216 марта келган.

Демак, 37+54+54+216=361=19*19.

43) Қуръонда саноқ/рақамлар жами 285 марта (19*5) келган.

Жин сураси 285 сўзлик ягона сура бўлиб, унинг якуни «саналган» (адада) сўзи билан тугайди.

«Дарҳақиқат, таажубли ва қизиқарли фактлар. Аминманки, ҳар илмга доир бундай мўъжизалар Қуръони Каримда чексиз мавжуд. Юқоридаги маълумотлар эса атиги дарёдан бир томчи», дея фикрларига хулоса ясайди муаллиф.