Қашқадарёда ширкат раҳбарлари фуқароларнинг қарийб миллиард сўмини ўзлаштирган
Қашқадарё вилоятининг Кўкдала ва Китоб туманларида фуқаролардан уй-жой ва автомобиллар учун 920 миллион сўмдан ортиқ пул маблағларини алдов йўли билан олган ширкат раҳбарлари аниқланди, деб хабар бермоқда «Подробно.уз» мухбири.
Бош прокуратура ҳузуридаги Иқтисодий жиноятларга қарши курашиш департаментининг маълум қилишича, дастлабки тергов давомида Кўкдала туманидаги корхоналардан бирининг раҳбари тўрт нафар фуқародан фирибгарлик йўли билан қарийб 460 миллион сўм олгани аниқланган.
Бу пуллар кўп қаватли уйлардан квартира сотиб олиш учун дастлабки тўлов бўлган, бироқ хонадонларнинг ҳужжатлари ҳеч қачон тўлдирилмаган.
Шунингдек, Китоб туманида ўтказилган терговга қадар текширув чоғида корхоналардан бирининг раҳбари 3 нафар мижозга шартнома асосида «Траcкер», «Cобалт» ва «Дамас» русумли автомашиналарни етказиб бериш муддатини икки ойгача қисқартиришни ваъда қилгани маълум бўлди. Ушбу хизмат учун 464 миллион сўм сўраган.
Мазкур ҳолатлар юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари олиб борилмоқда.
