Қарши шаҳрида 50 ўринли ҳоспис қурилади

Биласизми? / Юртимизда
A A A
Қарши шаҳрида 50 ўринли ҳоспис қурилади

Президентнинг 9 февралдаги қарорига кўра, 2026 йилгача Қашқадарё вилояти Қарши шаҳрида 50 ўринли ҳоспис қурилади. Ҳудудлараро ҳосписда оғир гематологик, онкологик ва клиник иммунологик касалликлар билан касалланган беморларга паллиатив ёрдам берилади.

Ҳосписни қуриш ва сақлаш вилоят маҳаллий бюджети ҳисобидан амалга оширилади. Керакли тиббий асбоб-ускуналар эса Соғлиқни сақлаш вазирлиги қошидаги Тиббиётни ривожлантириш давлат мақсадли жамғармаси ҳисобидан молиялаштирилади.

Шунингдек, ҳоспис фаолиятини ташкил этиш ва уни сақлаш ишлари Самарқанд, Хоразм ва Фарғона вилоятлари ва Тошкент шаҳридаги ҳудудлараро ҳоспислар учун амал қиладиган тартибда йўлга қўйилади.

Маълумот учун, ҳудудлараро ҳоспислар онкологик ва юқумли бўлмаган бошқа касалликларнинг ўтказиб юборилган босқичини бошидан кечираётган беморларни стационар ҳамда амбулатория шароитида, шунингдек, уйда тиббий даволаш имконияти бўлмаганда, уларга тиббий-психологик ёрдам кўрсатадиган мустақил тиббиёт муассасалари сифатида ташкил этилиши белгиланган.

Киритилди: 12:50 12.02.2024. Ўқилди: 1046 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!