Путин Мишустинни бош вазир, Медведевни ўзига ўринбосар этиб тайинлади

Путин Мишустинни бош вазир, Медведевни ўзига ўринбосар этиб тайинлади

РФ президенти фармони билан Михаил Мишустин бош вазир лавозимига тасдиқланди. Бу ҳақда Кремль матбуот хизмати хабар берди.

Шунингдек, РФ Хавфсизлик кенгаши раиси ўринбосари лавозимини жорий этиш ва бу лавозимга собиқ бош вазир Дмитрий Медведевни тайинлаш тўғрисида фармон имзоланган.

Икки фармон ҳам имзоланган вақтидан кучга кирган.

Дмитрий Медведев 15 январь куни Владимир Путин билан учрашув вақтида ўзи бошчилигидаги ҳукумат истеъфога чиқишини маълум қилди. Путин янги лавозим таъсис этиши ва бу лавозимни Медведевга таклиф этишини билдирди. РФ Хавфсизлик кенгаши раиси Владимир Путиннинг ўзи ҳисобланади, Медведев ушбу тузилманинг доимий аъзоси эди.

Ҳукумат раҳбарининг истеъфосидан кейин Путин Давлат думасига Федерал солиқ хизмати (ФНС) раҳбари Михаил Мишустинни ҳукумат раиси лавозимига тайинлаш таклифини киритди. 16 январь куни Давлат думаси Мишустин номзодини маъқуллади. Мишустин Вазирлар Маҳкамасининг янги таркибини яқин кунларда тақдим этишини ваъда қилди. Қонунчиликка кўра, янги бош вазирда янги ҳукумат шакллантириш учун бир ҳафта муддат бор.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!