Польшада армиядаги хизматга қизиқиш ортмоқда
Россиянинг Украинадаги кенг кўламли ҳарбий ҳаракатлари фонида Польшада фуқароларнинг армияда хизмат қилишга қизиқиши ортди. 2022 йилда мамлакат Қуролли кучлари 13 742 нафар янги хизматчини ёллаш имкониятига эга бўлди - бу 2008 йилда Польшада мажбурий ҳарбий хизмат бекор қилинганидан бери рекорд кўрсаткичдир, деди 28 январь куни мудофаа вазири Мариуш Блашчак.
Расмий маълумотларга кўра, 2023 йил бошида Польша Қуролли кучларида 164 минг аскар, шу жумладан, 36 минг кўнгилли ҳудудий мудофаа бўлинмалари аъзолари бор.
Варшава келгуси йилларда 250 минггача профессионал аскарлар ва 50 000 га яқин ҳудудий мудофаа бўлинмалари кўнгиллилари га етишига ишонмоқда. Польшада 2022 йилнинг кузидан бошлаб ҳамма учун бир кунлик бошланғич ҳарбий тайёргарлик курслари ўтказилмоқда.
Бунгача Польша Сейми Россия Федерациясини терроризмнинг ҳомийси деб тан олган ва Польша Яқин Шарқдан ноқонуний муҳожирлар оқимига қарши курашиш мақсадида Калининград вилояти билан чегарада сим тўсиқ ўрнатган эди.
Бундан ташқари, 2022 йилда Польша Жанубий Корея билан ҳар хил турдаги қуролларни етказиб бериш бўйича шартнома тузди, бу Сеулнинг тарихдаги энг йирик ҳарбий экспорт битимига айланди.
