Поездда саёҳат - бу Туркияниниг ўзгача гўзалликларини кашф қилишнинг ажойиб усули

Туркиянинг рангбаранг табиатини ўз кўзи билан кўришни истаган саёҳатчилар учун поезд саёҳати эркин, тежамкор ва қулай вариант бўлиш билан бирга поездлар, самолётларга қараганда углерод чиқиндиларини икки баравар кам сарфлаши билан экологик жиҳатдан фойдали саёҳат ҳисобланади.

Поезд саёҳатларида Туркиянинг кичик ва хушманзара шаҳарларини томоша қилиш хавфсизлик камарларидан ҳоли ўлароқ завқ билан саёҳат қилиш имконини беради. Бундан ташқари, поездда – йўлни тежабгина қолмай, тоғ ва дарё манзараларидан баҳраманд бўлган ҳолда қаҳва ҳам ичиш мумкин.

Поездда саёҳат - бу Туркияниниг ўзгача гўзалликларини кашф қилишнинг ажойиб усули ҳисобланади.

Сўнгги йилларда мамлакатдаги мавжуд йўналишлар бўйича тезюрар поездлар қатновини ривожлантиришга катта миқдорда сармоя киритиш орқали поездда саёҳат қилувчилар учун катта имкониятлар яратилмоқда.

Поездда саёҳат, маршрут бўйлаб табиий гўзалликлар ва яшил табиатдан баҳраманд бўлишни хоҳлайдиган саёҳатчилар учун унутилмас онларни тақдим қилади.

Туристик Шарқ Экспресси катта қизиқиш уйғотмоқда!

Саёҳат қилиш учун дунёдаги энг яхши тўртта поезд йўналишларидан бири ҳисобланган туристик Шарқий Э кспресс саёҳатчиларнинг катта эътиборини ўзига жалб қилади.

Туркиянинг пойтахти Анқарани мамлакатнинг энг шарқидаги тарихий Карс шаҳри билан боғлайдиган мазкур туристик Шарқ Экспресс поезди сафарлари ҳар куни йўлга қўйилган бўлиб, икки Шаҳар оралиғидаги масофанинг узунлуги 1365 километрни ташлик қилади.

Анқара-Карс йўналишида туристик Шарқ Экспреси саёҳати учун Анқарадан жўнайдиган поезд навбат билан Кайсери, Сивас, Эрзинжон ва Эрзурумдан ўтиб, Карсга етиб боради. Тахминан 1365 километрлик йўлни 31 соатда босиб ўтади.

Туристик Шарқ Экспреси Анқара-Карс йўналишида Эрзинсанда икки соат 20 дақиқа, Илич ва Эрзурумда уч соат тўхтайди. Карс-Анқара йўналишида эса, Дивриғида икки ярим соат ва Бостанкаяда уч ярим соат тўхтаб ўтади.

Саёҳатчилар бу тўхталишлар даврида ушбу шаҳарлардаги диққатга сазовор жойларни кўздан кечиришлари ва махаллий ошхона таомларидан тановвул қилишлари мумкин.

Ухлаш ва овқатланиш вагонларидан иборат Шарқий Экспресс поезди жами 9 та вагон, жумладан 2 та хизмат, 1 та овқатланиш ва 6 та ётоқли вагондан иборат бўлиб, жами 120 йўловчи олади. Ҳар бир купеда фақат 2 киши саёҳат қилиши мумкин.

Карс-Ардахон чегарасида жойлашган Чилддир кўли Шарқий Туристик Экспресснинг энг машҳур тўхташ жойларидан биридир. Қишда йўловчилар поезддан тушиб, муз билан қопланган кўлда сайр қилиши, отли чаналарда учиши ва музли кўлда Евроосиё сазанларини овлаётган балиқчиларни томоша қилиши ва очиқ осмон остида сайр қилишлари мумкин.

Паландўкенда Туркиянинг энг узун тоғ-чанғи йўли жойлашган бўлиб, бундан ташқари, курорт ўзининг қорлари, тик қияликлари ва узун учиш-қўниш йўлаги билан ҳам машҳур. Паландўкендаги қор мавсумининг узайиши эса йил давомида олти ой чанғида учиш имконини беради.

Йўловчилар 2016 йилда ЮНEСКОнинг Жаҳон мероси рўйхатига киритилган Ани харобалари зиёрати билан ғайриоддий экскурцияга гувоҳ бўлишлари мумкин. Шунингдек, Карснинг географик кўрсаткичли маҳсулоти бўлмиш асал, 207 турдаги қушни учратиш мумкин бўлган Куюжак қушлар қўриқхонасини ҳамда Туркиянинг биринчи ва ягона пишлоқ музейи Бўғатепени ҳам томоша қилишлари мумкин.