Онасини ўлдириб, қочиб кетган ўғил ушланди: у қотиллигини кундаликка ёзиб қолдирган

Олдинроқ Санкт-Петербургда 19 ёшли йигит онасини ўлдириб, ғойиб бўлгани ҳақида хабар берган эдик.

Фонтанканинг ёзишича, йигит қўлга олинган. У қотиллигини кундалигида ёзиб қолдиргани маълум бўлди.

Нашрнинг таъкидлашича, йигит онаси билан низоларни кундалигига ёзиб борган, можаролар унинг ҳарбий хизматга етиши бўйича юзага келган. Бу тортишувлар йигитни ғазаблантирган ва у муаммони ҳал қилишнинг ваҳшиёна йўлини танлаган. Қотиллик куни ўғли ухлаб ётган онасини бўға бошлаганлиги ҳақида ёзган, аммо у бошлаган ишини охирига етказа олмаган. Кейин онасини ваннахонага судраб олиб борган ва бир неча марта пичоқ урган. Жасадни ошхонага яшириб, кундаликка онасининг ўлганини ёзиб қолдирган ва уйидан чиқиб кетган.

Оила Санкт-Петербургга беш йил олдин Саратов вилояти, Волск шаҳридан кўчиб келган. Ўғил коллежда ўқиган, улар Богатирский проспектидаги бир хонали квартирада ижаража туришган. Аёлнинг жасадини уй эгаси қотилликдан уч кун кейин топди ва полиция чақирди. Марҳумнинг ўғлини Санкт-Петербургда қўлга олишган, у сўроқ пайтида жиноятни тан олган.