Олтиариқ туманида танишини алдаган шахсга жиноят иши қўзғатилди
2022 йилнинг апрель ойида Х.Ш таниши М.А.нинг ишончига кириб, нархи 7.000.000 сўмлик «ИЖ» русумли мототциклини сотиб олишга келишган. Пулини етти кун муддат ичида беришини айтиб, фирибгарлик йўли билан қўлга киритган мототциклини бошқа шахсга сотган ҳамда пулни ўз эҳтиёжларига сарфлаб юборган.
Мазкур ҳолат юзасидан Олтиариқ тумани ИИБ ҳузуридаги тергов бўлими томонидан Жиноят кодексининг 168-моддаси 1-қисми (фирибгарлик) билан жиноят иши қўзғатилган.
Фирибгарлик қонунга асосан жиноий жавобгарликка сабаб бўлишини эсдан чиқарманг.
Юқорида кўрсатилган жиноятни содир этган шахс 3 йилгача озодликдан маҳрум қилиш билан жазоланиши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
