«Номаълум шахс» Тошкентда катта тезликда манёвр қилди, ЙҲХБ ходимлари йўлларни беркитишди (Видео)

«Номаълум шахс» Тошкентда катта тезликда манёвр қилди, ЙҲХБ ходимлари йўлларни беркитишди (Видео)

Ижтимоий тармоқларда тарқалган видео барчанинг шубҳаларини оширмоқда. Тошкент шаҳрининг қоқ марказида “алламбало” автомашинада катта тезликда ҳаракатланиб, ўзига хос манёврларни бажараётган ҳайдовчининг шахси кўпчиликда савол уйғотмоқда.

Амир Темур хиёбони атрофидаги айланма йўлда катта тезликда ҳаракатланган автомашина Тошкент шаҳар ЙҲХБ ходимлари томонидан ҳимоя қилиниб турилибди. Яъни йўллар тўлиқ ёпилган.

Шу ўринда айтиб ўтиш керакки, йшллар ёпилиши, йўллардаги таъмирлаш ишлари борасида Тошкент шаҳар ИИББ бир муддат аввалроқ огоҳлантиришга ўрганиб қолди.

Лекин, бу йўлнинг ёпилиши ҳақида лом-мим дегани йўқ, Тошкент шаҳар ИИББ (Дея олмаса ҳам керак, чунки ҳайдовчининг ўта таъсир кучи юқори шахс эканлиги тахмин қилинади).

Ўзбекистондаги энг катта меҳмонхоналардан бири қарама-қаршисида пойтахтликлар ва туристлар кўз ўнгида бунақа ҳаракатлар кимда қандай тасаввур уйғотиши ҳақида минг хил вариантларни қилишимиз мумкин.

Эслатиб ўтамиз, Ўзбекистонда қонун ҳаммага баравар. Ҳаттоки, юқори тезликда ҳаракат қилган Отабек Умаров ҳам жаримага тортилган эди. Шундай экан бу шахс ҳам ким бўлишидан қаътий назар қоидабузарлиги учун жаримага тортилиши ва унинг шахси очиқланиши керак.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!