Нодирбек Абдусатторов мукофот жамғармаси 2,5 миллион крона бўлган супертурнирда иштирок этади

Жорий йилнинг 29 май — 9 июнь кунлари Норвегияда кучли шахматчилар иштирокидаги "Norway Chess" супертурнири ўтказилади. Унда 10 шахматчи иштирок этади ва мусобақага Нодирбек Абдусатторов ҳам таклиф этилган.

Турнирда иштирок этадиган гройссмейстерлар:

Магнус Карлсен (Норвегия)
Алиреза Фиружа (Франция)
Аниш Гири (Нидерландия)
Уэсли Со (АҚШ)
Хикару Накамура (АҚШ)
Фабиано Каруана (АҚШ)
Шаҳриёр Мамедяров (Озарбойжон)
Нодирбек Абдусатторов (Ўзбекистон)
Домараджу Гукеш (Ҳиндистон)
Арян Тари (Норвегия).

"Ушбу турнирга мени таклиф этишганидан хурсанд бўлдим. Бундай мусобақа иштирок этиш имкониятига эга бўлаётганимдан ҳаяжондан. Қизиқарли баҳсларда қатнашишни интизорлик билан кутаман", — деди 18 ёшли Нодирбек Абдусатторов.

Формат
Шахматчилар бир даврада ўзаро тўқнаш келадилар. Ҳар бир спортчига дастлаб 120 дақиқа вақт берилади ва ҳар бир юриш учун 10 сония вақт қўшилади. 40-юришдан кейин оқларга 10 дақиқа, қораларга 7 дақиқа вақт қўшиб берилади. Ҳар бир юришга 1 сониядан қўшиб борилади.

Мукофот жамғармаси
Турнирнинг умумий мукофот жамғармаси 2.500.000 Норвегияси кронасига тенг (тахминан 235 минг АҚШ доллари). Мукофот шахматчилар ўртасида қуйидагича тақсимланади:

1-ўрин: 750 000 крона ($71000)
2-ўрин: 400 000 крона ($38000)
3-ўрин: 250 000 крона ($237000)
4-ўрин: 200 000 крона ($19000)
5-ўрин: 180 000 крона ($17000)
6-ўрин: 170 000 крона ($16000)
7-ўрин: 160 000 крона ($15000)
8-ўрин: 140 000 крона ($13000)
9-ўрин: 130 000 крона ($12000)
10-ўрин: 120 000 крона ($11000).