Муҳофаза этиладиган табиий ҳудудлар департаментига раҳбар тайинланди

Акрамхўжаев Салоҳиддинхўжа Маърифхўжа ўғли Экология, атроф-муҳитни муҳитни муҳофаза қилиш ва иқлим ўзгариши вазирининг тегишли буйруғи билан вазирлик тасарруфидаги
Муҳофаза этиладиган табиий ҳудудлар департаменти раҳбари лавозимига тайинланди.

Маълумот учун, Салоҳиддинхўжа Акрамхўжаев 2013 йилда Тошкент шаҳридаги Сингапур менежментни ривожлантириш институтида бакалавр, 2015 йилда Буюк Британиянинг Кардифф университетида магистратура босқичини тамомлаган. Турли йилларда Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси тизимида, Тошкент шаҳар ҳокимлиги тизимида, Иқтисодиёт ва саноат вазирлигида, Иқтисодий тараққиёт ва камбағалликни қисқартириш вазирлигида, Ўзбекистон Республикаси Вазирлар Маҳкамаси аппаратида фаолият юритган. Тайинловга қадар Экология вазирлигининг Стратегик режалаштириш, методология ва таркибий бўлинмалар фаолиятини мувофиқлаштириш йиғма ахборот-таҳлил бошқармаси бошлиғи лавозимида ишлаган.

Эслатиб ўтамиз, аввалроқ Муҳофаза этиладиган табиий ҳудудлар департаменти фаолияти танқидий таҳлил қилинган, камчиликлар кўрсатиб ўтилган ва уларни бартараф этиш, МEТҲлар фаолиятини яхшилашга доир кўрсатмалар берилганди.